大喜屋

营业中

休息中

食过咁多次放题，去过咁多间大喜屋，我都系第一次见到有咁多人排队，喺开门之前已经有两条队，一条预约咗一条冇预约，实在惊为天人。见到咁多人一早伫立良久咁等佢开门，我就知依间嘢不得了。入到去，第一转已经叫咗劲多嘢食，成枱都系。每一样嘢都正常水平，有几样系特别好食，例如系榴梿类嘅嘢，都系好正：烤榴梿，榴梿椰皇奶冻想饱嘅话可以食，都几正：虾球伊面之后食咗啲唔同嘅嘢，我都系首推西京烧比目鱼，我嘅至爱！饮品方面都好多选择，热饮竟然都有，就系便利店𠮶啲暖柜，入边有好多纸包饮品，我都觉得好细心！食咗几个钟，食到佢闩门，直程系好抵玩，坐咗咁耐，都系一个价钱，同朋友欢聚一流！