喜泰味

营业中

休息中

之前有位住长沙湾嘅友人话我知佢屋企附近有间泰国野几好食 今日约咗佢食饭就嚟咗试试😋一坐低 店员就放低咗免费嘅虾片俾我地 一边食虾片一边谂食咩 唔觉唔觉就食晒啲虾片 虾片好脆卜卜 加上阵辣好惹味 一食就唔停口 见到佢门口有呢啲虾片卖 搞到我都有冲动买返屋企食😚最后我地拣咗食二人餐 有个菜 咖喱同两个饭马拉盏炒通菜 呢碟菜份量都唔少 马拉盏辣辣地 好惹味 好好送饭 通菜都炒得够晒林 泰式黄咖喱牛腩煲 咖喱成煲上够晒架势 咖喱唔系好辣 咸味比较多 牛腩肉质好好 又有牛味 配料嘅洋葱好爽甜 好有惊喜 咖喱如果椰奶味再多啲就好😛沙爹串烧鸡 啲串烧即烧嘅 非常够热 鸡肉都腌制得好入味 唔驶点酱食都ok 鸡肉够嫩滑 唯一系个沙爹酱系冻嘅就有啲失望😮估唔到仲有甜品送 系大菜糕嚟嘅 分量啱啱好 可以一啖食晒😬饮品方面我地嗌咗特饮 珍多冰 唔算好甜 如果椰汁味重啲就好喇 另外一杯系冻柠茶🍋