吉豚屋吉列豬扒專門店 (已結業)

今日去麦当劳嘅时候，就见到隔离依间吉豚屋出咗新嘢，有呢个［中州鱼介豚骨拉面］同埋［中州鱼介酱油拉面］，身为鱼介拉面迷的我当然不会亦不想错过，咁咁啱又有一排冇食而且之前都觉得ok就谂住夜晚去食。跟住到咗夜晚大概6:55，见到仲有少少座位，就顺利地直接入咗去，坐低之后就见到仲有一个乜嘢姜怱酱炸虾鲔鱼丼，嗌咗一份，另外仲嗌咗一个［《中州鱼介豚骨拉面》］嘅餐，$22仲可以加一个迷你饭，我就嗌一个咖喱吉猪饭。首先上嘅就系迷你吉猪饭，整体嘅肉外皮酥脆，肉质不过不失，但咖喱酱汁就唔辣，钟意食辣同惹味啲嘅可能就唔系咁啱啦。跟住就系套餐主要嘅中州鱼介豚骨拉面，汤整体嘅鱼介非常浓郁，超级，面亦都系烟韧嘅，而且豚肉嘅肉质非常淋，香味非常浓厚，隔离嘅紫菜亦都吸收咗好多汤，食落系渗晒啲汁出嚟，都系一个字，。最后就要讲依个和味姜葱酱吉列炸虾鲔鱼丼，𠮶啲姜葱酱有啲洋葱味以及系咸咸哋嘅，捞饭食都，炸虾嘅外皮非常之松脆，大件夹抵食，$59都可以好够食，鲔鱼嘅肉质就比想像中弹牙。感觉吉豚屋嘅品质真系有进步。不过我就暂时未食过外卖⋯⋯