影片
更多
2020-01-25
51 浏览
喺呢个高兴嘅年三十晚，与家人团聚嘅时刻，我哋一齐去咗喜相逢共进晚餐！我哋食嘅时间相对比较早，仲系未天黑，食完就可以去行下街啦店舖干净企理简单舒适 ，令人坐得好舒服。餐牌有好多唔同种类嘅小食， 同埋各式各样嘅饺子， 有煎嘅， 亦都有汤嘅 ，任君选择。 同时亦都有唔同嘅饮品 ，每一样都好吸引，我哋都拣咗好耐， 犹豫食边一样好 ，因为样样都好想食！！！ 最后点咗四个菜 ，有麻猪耳， 水晶皮蛋 ，韭菜猪肉汤饺， 同埋重庆小面。 率先送上嘅就系麻辣猪耳， 我同家人都唔太食得辣， 所以叫咗小辣， 卖相相当之靓！ 猪耳同青瓜捞埋一齐 ，上面就系佢嘅酱汁 ，同埋配料 ， 一流！ 我同家人最爱的猪耳， 因为好有咬感！ 佢嘅酱汁真系好正，小小辣， 酸酸地， 劲好味！呢个就系水晶皮蛋，同我平时食嘅皮蛋唔睇一样， 平时食嘅皮蛋都系黑黑嘅，但系呢个皮蛋系超透明， 蛋黄橙黄， 仲有青瓜伴碟，黄黄绿绿， 好喜庆嘅感觉 ！呢个皮蛋好烟韧，配少少特制嘅酱汁，滋味动人！系煎饺同埋汤饺之间我哋选择咗汤饺， 冇咁热气， 呢个韭菜猪肉饺， 我真系好钟意食 ！香浓嘅韭菜味涌入鼻， 配埋浓浓嘅汤底， 好正！最后一碟菜系重庆小面，我
我哋食嘅时间相对比较早，仲系未天黑，食完就可以去行下街啦
店舖干净企理简单舒适 ，令人坐得好舒服。
餐牌有好多唔同种类嘅小食， 同埋各式各样嘅饺子， 有煎嘅， 亦都有汤嘅 ，任君选择。 同时亦都有唔同嘅饮品 ，每一样都好吸引，我哋都拣咗好耐， 犹豫食边一样好 ，因为样样都好想食！！！ 最后点咗四个菜 ，有麻猪耳， 水晶皮蛋 ，韭菜猪肉汤饺， 同埋重庆小面。
率先送上嘅就系麻辣猪耳， 我同家人都唔太食得辣， 所以叫咗小辣， 卖相相当之靓！ 猪耳同青瓜捞埋一齐 ，上面就系佢嘅酱汁 ，同埋配料 ， 一流！ 我同家人最爱的猪耳， 因为好有咬感！ 佢嘅酱汁真系好正，小小辣， 酸酸地， 劲好味！
呢个就系水晶皮蛋，同我平时食嘅皮蛋唔睇一样， 平时食嘅皮蛋都系黑黑嘅，但系呢个皮蛋系超透明， 蛋黄橙黄， 仲有青瓜伴碟，黄黄绿绿， 好喜庆嘅感觉 ！呢个皮蛋好烟韧，配少少特制嘅酱汁，滋味动人！
系煎饺同埋汤饺之间我哋选择咗汤饺， 冇咁热气， 呢个韭菜猪肉饺， 我真系好钟意食 ！香浓嘅韭菜味涌入鼻， 配埋浓浓嘅汤底， 好正！
最后一碟菜系重庆小面，我哋再次叫小辣， 除咗面， 佢仲有鸡丝同埋青瓜， 配埋麻酱同埋麻辣汁 ，面嘅质感软身， 麻酱配麻辣捞面真系超级好味！又唔会太辣 ，正呀！
张贴
