牛陣 (iSQUARE國際廣場)

营业中

休息中

友人庆祝我考到车牌，就提议食正宗寿喜烧庆祝。我地点左餐后侍应好快就拎左铁锅同埋食物上枱。食物方面有和牛、黑毛猪、牛舌、海鲜拼盘同蔬菜拼盘。仲有唔少得寿喜烧甘露同埋日式清汤各一瓶。侍应首先教我地将只鲜鸡蛋打落只碗搞匀先，阵间用嚟蘸肉食。等个锅烧热后，先将和牛脂肪涂匀锅底，再炒香洋葱同京葱，跟住就可以放和牛落锅烧。和牛每面烧约两秒，然后淋上寿喜烧甘露就食得。和牛就咁食已经好嫩滑，蘸埋鸡蛋汁令肉味更突出，其他肉类同海鲜就咁烧都好好食。我地食烧肉食到有啲滞滞地，就加日式清汤沟埋寿喜烧甘露调味转做日式火锅继续大食一餐。重点系汤底冇味精，食得健康！出面有大量自助火锅配料任拎，特别嘅系有羽衣甘蓝、冰菜同秋葵较少见蔬菜食。最后我地食埋Haagen-Dazs雪糕先肯收手，真系相当满足嘅一餐。