影片
更多
2012-08-13
25 浏览
老朋友生日，又晌正湾仔返工，二话不说就想起嚟八喜，揾埋另一对撞啱结婚周年嘅老死，加埋我老婆，一行5人一齐庆贺一番。因为之前嚟过好几次，美心品牌，粤台风味小馆，几次都食得满意，而且算系美心品牌中收费较相宜嘅一间，所以，都几得我心！环境、服务之前食评都讲过，晌度唔多讲，入正题讲嘢食：肉燥蒸芋粿 $28咩叫做情有独钟呢？前后帮衬过依间八喜三次，肉燥蒸芋粿同灌汤小笼包都有叫，今次亦唔例外，招牌点心都系点咗依两味，再加个台南肉碎手卷。确系水准依然，蒸芋粿以蕃薯粉、米浆、芋头丝做，横睇芋丝密密麻麻踪横交错，松化唔易散，很有芋头味。加上肉燥、葱粒，芋香中多添一份惹味。灌汤小笼包 $30例食招牌就系依个灌汤小笼包，扁挞挞外形其实包著浓汤，夹起时皮软坠坠、汤汁荡漾，肉馅松软好味，几次食质素都一样无闪失。台南肉碎手卷 $28上次跟教会细胞小组朋友试过，觉得几有趣，所以就点俾大家试。薄薄饼皮，卷住肉碎同肉松，软软糯，烟烟韧，口感QQ，甚有台式风味。上汤河虾泡南瓜 $55河虾同南瓜丝，同样以上汤泡煮，但咁样食法南瓜味唔系好出，而河虾亦未见好有特色，而且河虾始终较细只，虾味唔强，整个菜口味嚟得清淡。拔丝咕噜肉
环境、服务之前食评都讲过，晌度唔多讲，入正题讲嘢食：
肉燥蒸芋粿 $28
咩叫做情有独钟呢？前后帮衬过依间八喜三次，肉燥蒸芋粿同灌汤小笼包都有叫，今次亦唔例外，招牌点心都系点咗依两味，再加个台南肉碎手卷。确系水准依然，蒸芋粿以蕃薯粉、米浆、芋头丝做，横睇芋丝密密麻麻踪横交错，松化唔易散，很有芋头味。加上肉燥、葱粒，芋香中多添一份惹味。
灌汤小笼包 $30例食招牌就系依个灌汤小笼包，扁挞挞外形其实包著浓汤，夹起时皮软坠坠、汤汁荡漾，肉馅松软好味，几次食质素都一样无闪失。
台南肉碎手卷 $28上次跟教会细胞小组朋友试过，觉得几有趣，所以就点俾大家试。薄薄饼皮，卷住肉碎同肉松，软软糯，烟烟韧，口感QQ，甚有台式风味。
上汤河虾泡南瓜 $55河虾同南瓜丝，同样以上汤泡煮，但咁样食法南瓜味唔系好出，而河虾亦未见好有特色，而且河虾始终较细只，虾味唔强，整个菜口味嚟得清淡。
拔丝咕噜肉 $58卖相就如同生炒骨，当然咕噜肉用上脢头，啖啖肉，唔会骨巉巉。咕噜肉上咗炸浆，食落唔算厚，系觉得有部份咕噜肉颇肥。拔丝个汁味道对板，但质感过杰，所以拔丝效果唔明显。
金瓜川味牛 $65今晚小炒嘅亮点。本来我哋几个人，叫咗个炒饭临尾垫底已经好够，不过，为咗佢我哋再叫咗白饭。以原个南瓜仔作为盛器，牛筋牛腩切得大件，但炆得够晒腍，酱汁加入添少许辣椒同花椒，微微辣就少许麻，带点四川风味，就系因为个汁好味，所以咪多叫碗饭嚟捞汁唔好嘥啰。食完啲牛腩，都唔好忽略个南瓜，一样可以起肉点汁食！
樱花虾炒饭 $60
上一次试过个炆饭，感觉普通，所以，为咗等朋友试到啲好嘢，都系拣番个稳胆：「樱花虾炒饭」。除樱花虾，加咗烟肉碎同露笋粒嚟炒，口感丰富，饭粒炒得少油爽身，又带点咸香。难怪大家都赞个饭好食！
白饭$12，茶位$8，泡菜$12，加埋一，埋单都唔使$500，好划算嘅一餐生日饭。张贴
