影片
更多
2011-11-11
76 浏览
抽奖中了两张免费咖啡券，就同太太嚟食个午餐，叹杯靓咖啡。咖啡店开晌如心广场一角，虽然咖啡店设计系开放形式，即系无固定铺位围住，侧边就系商场通道，但因为依个场一向都人流唔多，所以无乜影响、况且感觉几开扬，背住一列大型落地玻璃，够晒光猛，所以见到好多后生仔打书钉或者倾功课，而且，外面仲有啲露天位，依家有少少凉风，真系几正。不过又有啲奇，依间Pacific Coffee睇落基本上食物已经较其他分店少选择，因为只得两个柜仔摆食物，一个冻一个暖，星期日，啱啱嚟到先系1:00pm，竟然面包、松饼也所余无几，三文治、蛋批、酥皮卷亦剩番唔多，系预货预得少？抑或今朝突然帮衬多？不得而知喇！相信唔会系未返货，而依家卖紧嘅系隔夜货啩！Sandwich Club $21．Salad Potato with Bacon $34食物要咗半份公司三文治同一盒烟肉薯仔沙律。三文治点好后，侍应会用夹饼机翻热兼压出烤纹，所以睇落有啲似新鲜烤烘制作架，烘过嘅包身带点脆口，馅料有生菜、蕃茄、鸡肉、烟肉、芝士，味道唔错，口感都几丰富，虽然又烟肉又芝士，但食落口唔觉腻。至于烟肉薯仔沙律仲出色，不单材料都非常丰富，有爽脆嘅沙律菜、
Sandwich Club $21．Salad Potato with Bacon $34食物要咗半份公司三文治同一盒烟肉薯仔沙律。三文治点好后，侍应会用夹饼机翻热兼压出烤纹，所以睇落有啲似新鲜烤烘制作架，烘过嘅包身带点脆口，馅料有生菜、蕃茄、鸡肉、烟肉、芝士，味道唔错，口感都几丰富，虽然又烟肉又芝士，但食落口唔觉腻。至于烟肉薯仔沙律仲出色，不单材料都非常丰富，有爽脆嘅沙律菜、粉香薯味重嘅新薯、清甜嘅车厘茄、以及鸡蛋同咸香嘅烟肉碎，酱汁亦都调和得唔错，一盒食起上嚟都好够饱肚。
Caramel Latte $32．Hazelnut Latte $32饮品我要焦糖鲜奶咖啡，太太唔钟意焦糖，觉得会太甜，所以就拣咗榛子鲜奶咖啡。Pacific Coffee嘅咖啡一向都唔错，焦糖更系小弟「飞弗」，所以一杯焦糖鲜奶咖啡唔止系享受，亦系一种满足。而太太嘅榛子鲜奶咖啡亦有水准，咖啡香细腻，榛子味浓而不抢咖啡香。
三文治同个沙律都好食，依餐又悭咗咖啡钱，人要开心嘅都好易，谂嘢要正面，唔好谂住恒指跌𠮶千几点喇，揾啲好嘢食吓啦！
张贴
