金記冰室 (八號花園) (已結業)

曾经同朋友研究过究竟法兰西多士里面系应该有冇花生酱嘅呢？我阿妈年代𠮶时话有，而家呢个年代又好似冇，但我始终都系钟意食有花生酱嘅西多士。今日又被公司安排放假，瞓到自然醒就落街买个早午餐，好耐都未食过 法兰西多士$32，金黄的外表，重点系中间有好多花生酱，味道香浓，粗粒花生酱更加系我最爱，好食到停唔到口，而我竟然忘记咗落糖浆，如果唔系味道更加经典，整体都系好味！食茶记又点少得 金牌干炒牛河 $65，贵得有道理，干炒牛河有镬气，干身而且炒得均匀，牛肉份量多，肉味浓郁，而且入口柔软多汁，唔会干。再追加一个 招牌鲜牛肉餐 $52，天气闷热有时会冇乜胃口，招牌鲜牛肉米粉，汤底好味道，鲜牛肉嫩滑，食落都几开胃。因为配西煎双蛋跟牛油多士，多士返到屋企都仍然系脆卜卜，真系要赞！整体感觉更加丰富。