Billow Bar Seafood Bistro (已結業)

呢间食肆系小白鹭餐厅嘅前身， 佢只接受喺 社交平台专页订位, 呢间餐厅成日都满座， 但系冇办法， 只系星期日得闲啲， 所以我提早咗2个礼拜定位， 佢哋lunch时间只得pet zone， 我成家都喜爱小动物， 所以冇乜所谓。 但系如果大家惊狗， 就最好坐返喺餐厅里面。 今次叫咗四个午餐， 美国安格斯牛扒$268， 牛肉汉堡$198， 北海道带子意大利饭$188和全日早餐$208。 以依个价钱， 牛扒整得唔错， 肉质尚可， 有牛味， 配菜有日本青森鸡蛋和小红茄， 份量啱啱好； 牛肉汉堡好干，不推介； 意大利饭份量好少， 味道正常， 如果肚饿一定唔够饱； 全日早餐质素正常， 没有什么特别。 每个午餐都有前菜， 前菜包括一些冻肉和烟三文鱼， 质素中上， 有肉味， 烟三文鱼都好新鲜； 餐饮可选择有机茶， 柠茶或奶茶， 冻饮唔洗加钱； 如果要转咖啡，需要加30蚊。 我饮咗个Mocha, 朱古力和咖啡都调配得很好， 不过好细杯。 侍应态度正常， 不过其中之一个服务员连芥辣嘅英文都听唔明， 以这间主打食西餐的餐厅， 有啲奇怪。 总括而言， 以呢个价钱同埋环境， 尚算可以。