Rings Coffee

营业中

休息中

今天放假打完波，友人介绍去九龙城一间cafe食个早餐，叹咖啡😁依间cafe系地舖都算几易揾，排队既人都好多，我地好彩早少少到，之后既人都排好耐队先有位。先介绍一下招牌菜，蛋黄既颜色几鲜橙，蛋味都几浓，唔似系中国蛋或者美国蛋(可能系日本，但未有求证)。另外煎蛋底下既多士都已经搽满晒牛油果酱，加埋上面既牛油果花都食左成只牛油果。我地同枱4位朋友都叫左有牛油果既菜式，所有牛油果成熟度都熟得岩岩好，好似融融地又未熟到烂既口感最正，唔知算唔算好彩。好多地方都冇对牛油果既QC做到咁足，实在抵赞。焙茶Latta既茶味就唔太浓，饮落差少少。同场加映一下女朋友既早餐，唔记得咩名，但有鲜果，有yogurt, 仲有啲脆口既谷类早餐，感觉几健康，卖相几靓。