影片
更多
2023-06-19
5 浏览
今日约咗个friend聚餐，朋友提议尖沙咀喜聚烧，推介呢度烧物质素好，尤其佢至爱嘅海鲜类，新鲜又唔贵。除咗烧物种类多，佢嘅特式招牌菜都系一绝，听佢咁讲唔去都觉得走宝。🤣去到餐厅发现地方几大，座位阔落空间感十足，有一部份枱向住落地玻璃，可以望靓景，可惜我哋冇预先订枱，只好坐梳化凳，都好舒服自在😊。睇个餐牌，食物种类真系劲多多，起码有80款，我哋叫咗2款招牌菜同几款烧物。招牌菜上枱时，碟下有一个木架，木架里面有个小蜡烛，店员会点著小蜡烛，用嚟保持碟里食物嘅温度，呢点十分赞👍🏻。💰$198 镬仔麻辣鸡半只 鸡份量十足，肉质软滑非常入味，配上大量干葱、洋葱、葱丶花椒及辣椒等一齐炒，味道麻辣香口非常惹味。💰$138 惹味麻辣大肠 大肠质感软腍，无太多肥膏，感觉健康啲。同样配上大量干葱、洋葱、葱及辣椒等一齐炒，味道香浓劲惹味。💰$78/只 烧珍宝大扇贝大扇贝新鲜肥厚肉，烧得啱啱好，肉质软嫩多汁，配埋蒜蓉粉丝一齐食，冇得输。💰$68/只 烧贵妃蚌贵妃蚌 size 大，肉身厚而且饱满，味道鲜甜肉质爽弹，加上蒜蓉，味道更香更惹味。💰$68/串 烧新鲜脆皮白鳝白鳝肉厚有弹性：食就知系新鲜货色，表面涂
鲜类，新鲜又唔贵。除咗烧物种类多，佢嘅特式招牌菜都系一绝，听佢咁讲唔去都觉得走宝。🤣
去到餐厅发现地方几大，座位阔落空间感十足，有一部份枱向住落地玻璃，可以望靓景，可惜我哋冇预先订枱，只好坐梳化凳，都好舒服自在😊。
睇个餐牌，食物种类真系劲多多，起码有80款，我哋叫咗2款招牌菜同几款烧物。
招牌菜上枱时，碟下有一个木架，木架里面有个小蜡烛，店员会点著小蜡烛，用嚟保持碟里食物嘅温度，呢点十分赞👍🏻。
💰$198 镬仔麻辣鸡半只
鸡份量十足，肉质软滑非常入味，配上大量干葱、洋葱、葱丶花椒及辣椒等一齐炒，味
道麻辣香口非常惹味。
💰$138 惹味麻辣大肠
大肠质感软腍，无太多肥膏，感觉健康啲。同样配上大量干葱、洋葱、葱及辣椒等一齐炒，味道香浓劲惹味。
💰$78/只 烧珍宝大扇贝
大扇贝新鲜肥厚肉，烧得啱啱好，肉质软嫩多汁，配埋蒜蓉粉丝一齐食，冇得输。
💰$68/只 烧贵妃蚌
贵妃蚌 size 大，肉身厚而且饱满，味道鲜甜肉质爽弹，加上蒜蓉，味道更香更惹味。
💰$68/串 烧新鲜脆皮白鳝
白鳝肉厚有弹性：食就知系新鲜货色，表面涂自家调味酱，令整体味道更香但不失本身嘅鱼味。
💰$78/3只 芝士烧广岛生蚝🦪
生蚝size比想像中大只，肉身饱满，一口咬下劲多汁，鲜味及蚝味充满整个口腔，正。
💰$59 霜降和牛串
表面烧得干身香口，肉质软腍湿润，牛味香油脂味更香。
💰$48 烧牛肩胛
表面烧得干身，有嚼劲嘅质感，更觉牛味香浓。
💰$40 烧牛舌
厚身牛舌烧得干身香口，肉质软腍无筋，牛味十足。
💰$22 烧面筋
面筋表面涂上沙嗲酱，烧得非常香口，内层湿润软腍，双重口感。
💰$38/杯 菠萝梳打及青柠梳打
两杯梳打都味道清新，有气又冻冰冰嘅饮料，消热解腻一流
张贴
