船長雞蛋仔小食店

营业中

休息中

启德airside有间鸡蛋仔小食店,行过见多人买，同埋有人推介就去试吓。店员话要等20分钟，买完个双皮奶鸡蛋仔，就去商场行吓，等到差唔多20分钟谂住有得拎，点知等极都冇我份，结果等咗超过35分钟先拎到。店舖极之唔够人手，叫单个姐姐嗌到声嘶力竭都冇人理佢，门口围住好多攞嘢食嘅人。做清洁同叫单姐姐系统一个人，佢带住同一个手套抌完垃圾又再摸食客嘅食物，实在太唔卫生。等咗咁耐，点知一入口个鸡蛋仔冧过毛巾。佢赶住出单，鸡蛋仔都冇经过吹干嘅过程，完全唔脆。好心佢请多少少人做嘢。如果你钟意食腍过毛巾嘅鸡蛋仔极力推介，你可以一试👋。