Error 19 (已結業)

超粉红、充满少女心嘅楼上cafe 店。 贴住好多关于Error 同Mirror 嘅海报poster，如果喺佢哋fans 应该好开心。 因为餐厅不停播住佢哋嘅歌曲。 餐厅位于19楼， 可以睇到旺角嘅夜街景，但可惜今晚大风大雨，欣赏唔到。 宇治抹茶十胜红豆窝夫（$95)同妈妈今日食咗好多嘢, 所以嚟到就试吓该店最出名嘅甜品。叫咗佢最出名嘅抹茶Waffle。 制作需要等15至20分钟， 佢哋都收到order先会开抹茶酱整。 一份有三件窝夫。 窝夫外脆内，超重蛋味, 整到入面好松软。好幸福嘅感觉啊！宇治抹茶味劲浓，唔系用香水味嘅抹茶粉。红豆食落有沙、mochi好有咬口好烟靭。好想再叫多几份来食啊！卡邦尼意粉 （$108）蛋黄酱包住意粉，好浓烈嘅蛋黄酱同烟肉味。 意粉晶凝通透、煮到软硬度适中，唔会太硬亦都唔会冧。 有用心摆盆，仲有加葱花碎作装饰。 $108嘅价钱收得有啲贵。桂花乌龙茶 一壶 （$58）不过不失嘅桂花乌龙茶，只有一个茶包去浸住，茶味唔够浓，冇咩桂花味。 不过食完甜品，都要叫茶消消济。