影片
更多
2011-05-14
97 浏览
当日出旺角，去完个客度，直接收工！藉此大好机会叹番个下午茶！最近，揾 Openrice 新餐厅资料，见到呢间位于旺角嘅楼上Cafe <Cafe Idea>，平时去旺角去得多，呢区楼上Cafe 真系未试过。经过先达广场亦不少，走上先达广场楼上先施大厦，我都系首次。由 OK 便利店转弯，侧门走入大堂。呢度可谓品流复杂！ 咩都有...楼上Cafe 、宾馆、泰拳馆、贸易公司.... 。上到 4 楼，一出电梯，沿著走廊直行，好容易见到 <Cafe Idea>，门面并不是有招牌，而系将店名以投射到地上，颇特别兼有特色！ 走入去更有惊喜！ 见到一只烂瞓猫喺个玻璃猫窦入面瞓得好腍！zzzzzz........ 女店员话我知，呢只系猫公，仲有老婆添呀！ 不过，有皮肤病，猫妈妈最钟意喺梳化 Hea 吓滩吓。 原来有只猫仔仔，比较怕羞！钟意走入去另一个猫柜，我举起相机影相，唔知点解猫仔仔会咁样望住我呢？佢块面都几圆㖞！ 肥嘟嘟！仲大只过猫妈妈！各有各自嘅猫窦。 就算有 3 只猫，卫生程度算 OK! 其实，我都钟意猫猫，日后等到我有自己嘅屋企，到时会买番只猫嚟养吓！呢度占地不大
最近，揾 Openrice 新餐厅资料，见到呢间位于旺角嘅楼上Cafe <Cafe Idea>，平时去旺角去得多，呢区楼上Cafe 真系未试过。经过先达广场亦不少，走上先达广场楼上先施大厦，我都系首次。
由 OK 便利店转弯，侧门走入大堂。呢度可谓品流复杂！ 咩都有...楼上Cafe 、宾馆、泰拳馆、贸易公司.... 。
上到 4 楼，一出电梯，沿著走廊直行，好容易见到 <Cafe Idea>，门面并不是有招牌，而系将店名以投射到地上，颇特别兼有特色！
走入去更有惊喜！ 见到一只烂瞓猫喺个玻璃猫窦入面瞓得好腍！zzzzzz........ 女店员话我知，呢只系猫公，仲有老婆添呀！ 不过，有皮肤病，猫妈妈最钟意喺梳化 Hea 吓滩吓。 原来有只猫仔仔，比较怕羞！钟意走入去另一个猫柜，我举起相机影相，唔知点解猫仔仔会咁样望住我呢？佢块面都几圆㖞！ 肥嘟嘟！仲大只过猫妈妈！各有各自嘅猫窦。 就算有 3 只猫，卫生程度算 OK! 其实，我都钟意猫猫，日后等到我有自己嘅屋企，到时会买番只猫嚟养吓！
呢度占地不大，但空间感充足！只有 6 张枱，其中 3 张大枱，配合梳化，可坐 10 ~ 16 人；方便玩 Game。顺带一提，Game 种类繁多！包括：UNO 、大富翁.....可见相片。
我问老板系咪新开架？听佢讲，开咗个半月，顶让返嚟。所以，用番上一手嘅家私，可能会觉得旧些少，但系我觉得坐得几舒服！ 况且又有高清电视睇，边睇边食，好 Relax ! 加上位于 4 楼，不觉嘈吵！尚未到 6:00，仲叫得切下午茶餐！ Yeah!
芝士焗青口龙利柳长通粉 $27
等候大约 10 分钟，好让我细心观察一下店内环境。食物尚未送到，女店员先为我递上梳化形纸巾盒、吸血鬼形牙签筒及一杯水。服务贴心！
当女店员送上一碟长通粉时，还提醒我要小心碟边热，真细心呀！ 哗！芝士味香浓扑鼻！ 令我口水流...！有一只大青口，尚有鲜甜味！有两块煎得金黄嘅龙利柳，相当肥美！ 长通粉份量刚好，配合芝士味道好夹！还有杂豆作配菜及点缀！令卖相更突出！整体算不错！只系食完碟底比较油！
肯定老板系超钟意猫，甚至饮品名称亦唔放过！猫名系列特饮色彩缤纷！我亦不妨一试！奇异侏儒猫 ( 百香果 + 奇异果 ) 原价$37 / 跟餐加 $10
一杯萤光黄与翠绿色交错嘅特饮，颜色夺目！ 集乳酸及沙冰于一身，双重口感！好大杯，可以慢慢品尝！ 至于，百香果及奇异果，只是甜味粉而已，当然无任何百香果及奇异果成份。感觉上，百香果味盖过奇异果，酸酸甜甜，十分醒胃！
另有花茶每壶 $51，玩 Game 不设最低消费小时，如果玩 Game 玩得耐，相对较为抵饮。店外四围环境认真麻麻地，令我帮衬完速逃！ 如果，下次再帮衬的话，我一定揾埋朋友陪。
之后，我去 <水记甜品屋>，食份子甜品。
http://www.openrice.com/restaurant/commentdetail.htm?commentid=2167975
我有其他楼上Cafe 推介，同样有 Game 玩，环境宁静舒适！就算情侣都啱去！
中环 <Seasons Cafe> :
http://www.openrice.com/restaurant/commentdetail.htm?commentid=2139634
张贴
