影片
更多
2018-11-12
446 浏览
又喺一次旧同学午聚，约埋简单食餐晏，由小弟发办。其实，我都几怕晌中环揾地方食晏，因为周围都喺人，小弟公司有包伙食，所以，平日喺无呢啲烦恼。但既然同学开到声，就由小弟早少少蛇出去攞位，今日就一齐食吓越南菜，之前到访过「品越」（旺角店），知道质素去到边，故此，嚟到中环店，都有信心令同学食得满意。唔喺讲笑，平日午市真喺好多人，一枱起身，又有一枱客入座，基本喺座无虚席。所以，就算嚟食晏，等位都唔使得好耐，除非你一棚人啫。虽然餐厅喺卖越南菜，但装修简约摩登，靠窗一边嘅梳化卡位，喺最心水嘅好位。食午餐都喺讲求快，所以，主打就喺午餐餐牌啦，午市一共有13款选择，定价都喺$68-$94，包普通热饮1杯，亦可以加钱转其他特饮。整份餐牌印刷精美，更喺图文并茂有个参考。此外，仲有一个小食餐牌，主食以外，睇睇有无嘢啱。其实，亦可以嗌散点餐牌嘅嘢，不过，由于要额外嚟做，所以，讲到明要等多阵。餐具、纸巾及调味料已放晒晌餐枱上，自由取用，除鱼露，仲有是拉差只辣椒酱，可惜，小弟唔多喜欢辣酱，无福消受，哈哈！鱿鱼藕苗沙律 $88曾经年几前晌旺角店试过，觉得颇特别，所以，专登介绍俾同学试。藕苗即喺未长到大嘅莲藕，配以甘笋
唔喺讲笑，平日午市真喺好多人，一枱起身，又有一枱客入座，基本喺座无虚席。所以，就算嚟食晏，等位都唔使得好耐，除非你一棚人啫。虽然餐厅喺卖越南菜，但装修简约摩登，靠窗一边嘅梳化卡位，喺最心水嘅好位。
食午餐都喺讲求快，所以，主打就喺午餐餐牌啦，午市一共有13款选择，定价都喺$68-$94，包普通热饮1杯，亦可以加钱转其他特饮。整份餐牌印刷精美，更喺图文并茂有个参考。
此外，仲有一个小食餐牌，主食以外，睇睇有无嘢啱。其实，亦可以嗌散点餐牌嘅嘢，不过，由于要额外嚟做，所以，讲到明要等多阵。
餐具、纸巾及调味料已放晒晌餐枱上，自由取用，除鱼露，仲有是拉差只辣椒酱，可惜，小弟唔多喜欢辣酱，无福消受，哈哈！
鱿鱼藕苗沙律 $88曾经年几前晌旺角店试过，觉得颇特别，所以，专登介绍俾同学试。藕苗即喺未长到大嘅莲藕，配以甘笋丝、青瓜丝，淋上酸酸辣辣嘅酱汁，所以，食起嚟好醒神，而啲藕苗口感爽脆，喺种几特色嘅食材；啲鱿鱼就柔韧鲜甜，唔会好似擦纸胶咁咬极都咬唔开。
鱿鱼藕苗沙律
$88
11 浏览
1 赞好
0 留言
米纸卷喺越南嘅特色小食，食亲越南嘢，好多时都会试吓。一份米纸卷裁成6大件，米纸薄透，口感烟韧清爽，内里塞满虎虾肉、米粉、青瓜、生菜，包得够扎实，唔会散开嚟，沾少少鱼露提一提味，口感清爽，食味不俗，烧大虎亦够弹牙。
烧大虎虾米纸卷
$72
22 浏览
1 赞好
0 留言
品越皇牌汤河 $78因为𩠌料包括有生牛肉、牛展、牛腩、鸡丝，又够晒大堆头，放上唔少金不换，所以，颇有「火车头」嘅影子，仲伴有青柠及辣椒碎，不妨拌入汤中，味道会起出变化。不过，讲到个汤底，浓而不浊，非常有牛骨香，而且，河粉嘅份量十分足，前前后后都分都4碗仔，最正喺滑溜有米香嘛；至于啲𩠌料，老友就话好得，尤其啲生牛肉及牛腩，极有肉香，食得出喺靓货，牛腩更喺牛坑腩𠮶位，带少少油脂香，我亦觉得啲牛展炆得软腍，而鸡丝颇嫩滑。
品越皇牌汤河
$78
35 浏览
1 赞好
0 留言
马拉盏海鲜炒金边粉 $88咁多款午餐中，最想试喺佢，一来用上马拉盏，够惹味，二来炒金边粉，汤嘅食得多，炒嘅比较少，况且，炒粉一向易做难精。金边粉比河粉更幼身，带点韧性，炒出嚟嘅效果唔错，唔会黐埋一嚿嚿，食到尾又唔喺好油，加上马拉盏嘅咸香，再唧少少青柠汁，令味道唔单一；海鲜就只有鲜虾、鱿鱼及迷你带子粒，款式唔多，但胜在仍具质素，好似啲鲜虾咁，去晒壳，一咬就喺爽弹嘅虾肉。
秋凉啦，有几款特色热饮好合时节，包括红枣桂圆荼、蜂蜜玫瑰柚子茶及杞子龙眼蜜，最「笋」喺加$8就以转饮。
蜂蜜玫瑰柚子茶 +$8上次同表哥去「品越」佢就喺拣咗呢款热饮，赞杯嘢几好，所以，小弟亦想试试。本来柚子茶真喺无咩特别，秋冬天我哋都会买返屋企冲，不过，加入蜂蜜元素，自然感觉更滋润，而且，加上食用玫瑰，晌味道上，多添一份玫瑰幽香，令香气更上一层楼。
杞子龙眼蜜 +$8晌网上查一查，就知龙眼肉有几好，杞子又明目，秋冬饮就够晒滋养。龙眼睇得出唔喺平时饮啲乜冰物冰𠮶啲罐头龙眼肉，而喺由桂圆干泡浸出嚟，所以，略带深沉，味道自然而清甜富蜜香。友人更话，入口顺喉润泽，果然无拣错。
午饭时间只得一个钟，同学间聚旧确喺有啲唔够喉，不过，一齐食到餐好嘅，又的确喺一件喜悦嘅事，反正，将来仍大把机会聚一聚。
张贴
