喜點.鮮鍋粥底火鍋點心專門店 (已結業)

平時食開其他粥底火鍋都好難book位仲要限時段 呢間冇特別分時段可以比較容易訂枱👍🏻而且地點都好容易搵到 附近都好多食肆 下次可以再嚟食！食物方面 海鮮擺盤好靚🦞 龍蝦真係有膏！ 聖子鮑魚都好大舊 又夠爽口😋 仲有好大條多寶魚 多到食唔哂🤣另外仲有8種配料可以簡 全部都幾新鮮 但係真係多到食唔哂 建議大家食哂海鮮先叫因為最後個粥先係重點 芋頭同南瓜🎃一絕 同埋店家好細心 知道有啲人會走青所以分開比蔥同芫荽我哋 仲有記住落豬油渣好正同埋最好就係有豆漿同竹蔗茅根任飲 有誠意服務方面 侍應都好有心會經常提我地先燙海鮮 又會提我地熟左食得 好好人埋單其實最後都係260到 性價比超高