一喜車仔麵

营业中

休息中

最近食咗新开嘅车仔面，发觉佢唔单只系传统车仔面，仲有唔少特色美食㖞🍜今次叫咗九宝大杂面，果然真系好丰富！面如其名，入面店铺嘅招牌食物都有囊括，必食。另外，牛腩同萝卜都超入味！⭐特级濑尿牛筋丸令我印象深刻。弹牙爽口，味道浓郁，啖啖都食到牛筋丸嘅味道。另外，鱿鱼丸都系十分特别嘅美食，外皮鲜甜，入口时仲可以咬到一粒粒嘅鱿鱼肉，感觉新鲜。⭐汕尾马饺猪肉丸同小米粿。马饺猪肉丸嘅外皮金黄色，口感弹牙，有层次感。听老板讲，小米粿其实系潮州嘅传统食物，入口时外皮半透明，内馅多汁，一粒粒细小嘅猪肉粉粿非常好食，令我食唔停口。⭐香辣单骨鸡翼同生炸猪扒：两样嘢都系生炸，比起其他地方嘅更脆口同惹味，强烈推荐！⭐咖哩系列同猪大肠：咖哩汁浓郁，仲要有香辣味，猪大肠有地道车仔面风味~❤️最后想推荐同加分嘅，系呢度嘅员工。见佢哋好乐意同客人沟通同细心介绍食物，仲要好有礼貌，绝对 喜 出望外~想食地道，又有地方特色嘅车仔面，呢间车仔面系必然选择。