潮樓 (已結業)

饮下午茶，这里真的不失为一个好选择，因为地方又大又舒服，而且价钱又相宜，今日大概三点黎到仲唔驶等位添，又唔驶搭台，佢即刻有位俾我地。两个人饮茶，叫了:酥皮焗白奶皇餐包"佢上面个皮系好似菠萝包咁，不过唔系好够松化，淋左少少。而且佢个白奶皇馅过甜左少少，无咁甜会易入口D。老婆饼"系呢度食老婆饼好似好搞笑咁，但佢真系几好食架我觉得，虽然知道佢系泰昌出品。佢个酥皮好薄，而且有多冬瓜蓉，甜甜地，我好钟意食，见亲佢我都会叫架。汤饭"唔记得左佢个名，不过我觉得清清地几好，唔驶食D咁油腻既野。有冬瓜粒，虾，鸡肉等等，个味道好清，系份量少左D。这不是炸两肠"呢个我地好钟意食架，好多时都会叫。佢入面有好多唔同既料，例如油炸鬼，虾，芹菜等等，所以咬落去口感好丰富，脆卜卜咁，好味。坐几耐都唔会赶你走，坐低一路睇书，一路慢慢饮啖茶，真系舒服，间唔中黎下都几好呀。