吃茶三千 (海運大廈)

营业中

休息中

同同事食lunch倾开要等到圣诞先可以放假休息下，谂起都有啲down，所以食完lunch去买咗杯手调饮品为自己打气。嚟自台湾嘅吃茶三千，主打现萃茶汤，用特制萃茶机即席冲泡六款台湾高山茶。店员知道我哋系第一次嚟就建议我哋选购前可以先闻一闻茶香再决定想饮咩茶。店员细心介绍各种茶底既特色，由茶种、调味及配料都选用最好，最后店员提议几款热门配搭，令我更清楚知道自己想饮边款茶。我觉得玉露青茶好特别，带有奶香味，不过今次我选了水仙桂花做茶底，好钟意水仙桂花嘅清香味，自选加百花香蜜同仙草，清润解热。如果唔想谂点配搭，可以选人气热门茶，好似同事就要国王珍珠奶茶，系凤眉红茶配皇家厚奶同国王珍珠。原来呢六款台湾高山茶都得到iTi国际风味评鉴风味绝佳二至三星认证，饮住自己嘅自选茶加埋店员有礼而细心嘅服务，心情即刻靓番，下次试埋玉露青茶同其他味道。