影片
更多
2010-03-28
27 浏览
本来想食万豚屋，但等位情况令人怕怕，因此转战呢度。领筹后，得悉要多等二十多张枱，但眼见留低等既人唔多，心想应该好快，所以拍板！最后都大约等左45分钟先被安排入坐。 牛柳刺身沙律：牛柳刺身几好，几新鲜，但个salad dressing无咩味，得个油字… 盐烧薄牛舌：刚上枱都呃得下人，几爽…但唔够几分钟就原形毕露！既油且有d牛苏味… 露笋烟肉卷、鹌鹑蛋烟肉卷 & 烧鸡翼：露笋烟肉卷几好，露笋好甜同爽口，但烟肉过咸。鹌鹑蛋烟肉卷就麻麻，鹌鹑蛋唔似鹌鹑蛋！而个配搭亦唔衬…叫佢系我地既错…烧鸡翼系一般水准既烧鸡翼，无特别，但要提提，呢度既烧鸡翼，一定好过鸟羽！ 特制什锦猪骨汤拉面：其实就系叉烧五花腩配特浓猪骨汤拉面，拉面本身麻麻，既无面香，亦无弹牙面质。猪骨汤好浓，但唔够猪骨香…而叉烧，偏鞋亦无肉香。但个五花腩肉认真唔错！ 既然系五花腩，肉质当然松软！而咬落亦有齿颊留香既香味。个糖心蛋，虽然做到糖心既效果，但蛋本身唔系靓蛋，一d蛋香都无…有d失望。 冲绳盐味牛奶雪糕：Order既时候都几担心呢个配搭会好难接受！但试左一口就停唔到口！你见张相就知，黎唔切停口去影相！ 盐味好清淡，先食到盐味，慢
牛柳刺身沙律：牛柳刺身几好，几新鲜，但个salad dressing无咩味，得个油字…
盐烧薄牛舌：刚上枱都呃得下人，几爽…但唔够几分钟就原形毕露！既油且有d牛苏味…
露笋烟肉卷、鹌鹑蛋烟肉卷 & 烧鸡翼：露笋烟肉卷几好，露笋好甜同爽口，但烟肉过咸。鹌鹑蛋烟肉卷就麻麻，鹌鹑蛋唔似鹌鹑蛋！而个配搭亦唔衬…叫佢系我地既错…烧鸡翼系一般水准既烧鸡翼，无特别，但要提提，呢度既烧鸡翼，一定好过鸟羽！ [详情见：http://www.openrice.com/gourmet/reviews.htm?userid=157944#review2068307]
特制什锦猪骨汤拉面：其实就系叉烧五花腩配特浓猪骨汤拉面，拉面本身麻麻，既无面香，亦无弹牙面质。猪骨汤好浓，但唔够猪骨香…而叉烧，偏鞋亦无肉香。但个五花腩肉认真唔错！ 既然系五花腩，肉质当然松软！而咬落亦有齿颊留香既香味。个糖心蛋，虽然做到糖心既效果，但蛋本身唔系靓蛋，一d蛋香都无…有d失望。
冲绳盐味牛奶雪糕：Order既时候都几担心呢个配搭会好难接受！但试左一口就停唔到口！你见张相就知，黎唔切停口去影相！ 盐味好清淡，先食到盐味，慢慢盐味将香浓既牛奶味带出，好有层次既雪糕，好特别！
咖啡冻：超苦无咖啡味。直情唔可以叫系咖啡冻！如果有香浓咖啡味，我地可以当系expresso，但个咖啡处理过度，咖啡有酸味，本身既咖啡亦唔系靓品种，无咖啡香，仲要极苦，落晒成杯仔糖浆都食唔落！
但不得唔提系佢地既服务。我要讲既唔系整体既服务，只系个别既细心员工。我地先向著黑套装既经理示意埋单，而经理亦依程序既到casier示意。未几另一普通员工见我地攞住银包同credit card，亦见我地枱上几乎无掂过既咖啡冻，于是先再确认我地系咪已经通知我地要埋单，及后亦有礼貌地问我地唔食咖啡冻既原因。该店员除左认真聆听我地既意见后，待清理枱上既咖啡冻，随即呈上帐单，并主动表示已替我地取消该咖啡冻既收费。 今时今日甘既服务态度，先系香港好客之道既指标！但都卖少见少了…
总括而言：五花腩喧宾夺主既程度极高，高到无佢既拉面可以唔食！ 其他食品浅尝便可。
张贴
