Cafe Deco Pizzeria (圍方)

营业中

休息中

同啲邻居打羽毛球就一齐出围方食饭，之前已经想试呢一间餐厅，所以预先订咗枱。我哋就嗌咗三个前菜同两个主食。前菜个慢煮八爪鱼，处理得好好，因为八爪鱼如果煮得太熟真系会至会实，但系佢呢条八爪鱼淋得来有少少弹性。另外个牛骨髓一双汤嘅时候烟香味扑鼻，𢳂落去个份量都好足，跟上配埋果酱，啱啱好中和左牛骨髓嘅油腻感。另外生牛肉他他都处理得唔错，唔会心血水有冇血腥味。食完三个前菜整体上都相当满意。跟住就到主菜啦。羊架我哋叫Medium，但系切落去嘅感觉就好似Medium rare。另外啲羊肉就冇膻同肉味⋯⋯可能各人口味唔同，但我就比较喜欢有少少膻味。食到咁上下个Pizza都嚟埋，和牛虎虾pizza，虎虾都唔系啲难熟嘅食物，但系觉得咁样片薄片就悭家咗少少，咬落去有拉丝但芝士味唔算浓郁。邻居话想饮朱古力奶，上面还写住80%朱古力。我都试饮左，但系饮落去可可嘅味道淡如水。个中段同结尾有点败笔，但个头真系开得唔错。回头率都高嘅，不过系主力试前菜。