影片
更多
2010-11-11
30 浏览
师傅早个几星期前又系同好友食家"乜都放入窿"食饭, 但食咩大家都谂唔到, 于是相约左好友食家"乜都放入窿"于旺角, 会合后先再度下食咩好; 同好友食家"乜都放入窿"四围行, 最后就带左师傅黎呢间食店; 其实师傅从来都冇同好友食家"乜都放入窿"讲过话想试呢间食店, 但点解佢会知呢? 莫非心有灵犀, 咦! 有少少惊添……闲话休提, 凌晨十二点入到食店, 竟然都仲好鬼多食客, 两个人就被伙计安挂坐于楼上! 坐底后系计就问火锅定小菜, 师傅就拣左小菜, 于是同好友食家"乜都放入窿"慢慢商量下食咩; 望住个餐牌真系睇到师傅心花怒放, 搅到样样都想试, 无奈得两个人只好就住落单!好友食家"乜都放入窿"话呢度嘅鹅肠好得, 所以系一定要试, 而师傅亦拣左两款, 最后拍板一致通过, 于是就叫伙计落单, 分别有师傅拣嘅香煎腐皮卷, 避风塘三宝, 而好友食家"乜都放入窿"就拣左豆豉鲮鱼油墨菜同埋豉椒味菜炒鹅肠; 落单时伙计话豉椒味菜炒鹅肠唔系餐牌个价七十八蚊, 加左十蚊, 即系八十八蚊, 师傅同好友食家"乜都放入窿"都觉得可以接受, 于是就照旧系呢四道菜!落完单等左都唔系好耐, 香煎腐皮卷抢闸登场, 净系个
闲话休提, 凌晨十二点入到食店, 竟然都仲好鬼多食客, 两个人就被伙计安挂坐于楼上! 坐底后系计就问火锅定小菜, 师傅就拣左小菜, 于是同好友食家"乜都放入窿"慢慢商量下食咩; 望住个餐牌真系睇到师傅心花怒放, 搅到样样都想试, 无奈得两个人只好就住落单!
好友食家"乜都放入窿"话呢度嘅鹅肠好得, 所以系一定要试, 而师傅亦拣左两款, 最后拍板一致通过, 于是就叫伙计落单, 分别有师傅拣嘅香煎腐皮卷, 避风塘三宝, 而好友食家"乜都放入窿"就拣左豆豉鲮鱼油墨菜同埋豉椒味菜炒鹅肠; 落单时伙计话豉椒味菜炒鹅肠唔系餐牌个价七十八蚊, 加左十蚊, 即系八十八蚊, 师傅同好友食家"乜都放入窿"都觉得可以接受, 于是就照旧系呢四道菜!
落完单等左都唔系好耐, 香煎腐皮卷抢闸登场, 净系个卖相已经引死师傅, 实物嘅卖相同餐牌中的相可以讲系毫无分别; 于是即刻吃一件, 发觉腐皮卷嘅腐皮系煎得好脆, 但脆而不油, 口中唔油亦冇油益味, 加上馅料嘅虾身劲爽口, 最特别系放入左少少粟米粒, 令到腐皮卷带少粉甜味, 绝对做到外脆内爽, 爽中带甜, 整碟香煎腐皮卷堪稍一绝, 师傅都好耐冇试过咁出色嘅腐皮卷, 绝对系必食推介!
接住落黎系豉椒味菜炒鹅肠, 师傅二话不说即试鹅肠, 入口后发觉真的非常爽口, 爽中系冇带半分的韧, 加上唔算好肥, 而豉椒嘅味道香浓惹味, 配合埋味菜的酸酸甜甜, 整道菜系非常开胃, 至于味菜入口又没有咸嘅感觉, 呢种味菜就系师傅最钟意的, 而呢碟鹅肠嘅份量又唔算特别多, 不过有咁嘅水准真系好掂; 而相反地豆豉鲮鱼油墨菜嘅份量就好多好大碟, 油墨菜入口嫩绿爽口, 绝无半点渣, 唯一扣分系落多左少少油, 整体仍然不错!
最后避风塘三宝压轴登场, 点解用压轴呢两个迟, 咪因为佢黎得最迟, 绝对与铺排无关; 避风塘三宝有茄子, 青椒同埋红椒, 卖相又系劲吸引, 吸引在于三宝上有劲多炸蒜, 却又局部遮盖内里嘅三宝, 而三宝就是红红绿绿紫紫的, 视觉系若隐若现, 而臭觉系香而惹味, 绝对要拿拿声试一件; 于是师傅第一件先试茄子, 茄子系炸到外脆内软, 即系炸粉好脆而茄子腍身松软, 绝对唔会有硬嘅感觉, 茄子亦冇𠮶种食后会令条脷有 “赖口” 嘅感觉, 所以十分之正, 加上茄子中酿嘅鱼肉同样够腍冇碎骨, 成只茄子真系十分讨好; 再试多件红椒, 红椒亦系好腍身, 绝对唔会爽口, 呢个位真系令师傅惊喜, 皆因红椒或青椒, 通常都系爽硬, 但咁腍身师傅还是第一次, 呢碟避风塘三宝亦系师傅诚意推介!
总括黎讲食物质素绝对出色, 环境就唔算好优雅, 不过都光猛舒服, 而服务亦算殷勤, 价钱就相宜, 埋单二百几, 每人唔使百二, 有咁高水准绝对抵食啦! 不过埋单期间比好友食家"乜都放入窿"发现豉椒味菜炒鹅肠竟然要九十八蚊, 于是细问下系真系要九十八, 只不过落单时个伙计报错价, 虽然十蚊鸡又唔算好多, 但食鹅肠就似乎唔多抵食喇! 师傅最开心就系同好友食家"乜都放入窿"食野, 两个人四道菜, 竟然食得晒, 都真系唔少料架, 仲唔系丧食宵夜? 至于笑脸绝对走唔甩, 师傅已经成日心思思想再去多次, 所以有机会一定会再黎, 相信唔使等好耐, 不过就一定唔拣鹅肠!
张贴
