高麗軒韓國餐廳

营业中

休息中

见最近评论唔错就订位去食，因为以前有食过，都好多年，以份量黎讲对得起价钱，都可以算抵食，知道名唔同咗应该易咗手，但见评论唔错就信同以前一样。叫咗猪肉同羊肉自己烧。炉同以前唔同，见到个炉下面唔干净都打咗个突，因为都同个网有d近，以前个炉款一食完，待应会攞炉去洗，但出黎食你见唔到的地方都可能污糟，当睇唔到la。唔知系唔系因为唔系叫任食个餐，平好多80蚊（10年前好似56蚊加1？），黎咗的肉好唔掂。虽然好大碟，但d肉好窄，有d好碎，放好系网都好考功夫，烧完食落口真系好唔开心。羊好膻，好重调味都仲系好膻，点知猪仲衰，系唔知咩味的难食，食完好似胶水咁“张”住个口。佢d小菜，汤同啫喱都好似以前咁，细个更加系为咗个啫喱黎食，但d肉咁的质素，就算份量多过以前我都唔会再黎。