Wildfire Pizzabar (星光大道)

营业中

休息中

星期五晚7点几左右入座，如果要坐室外，可以先入去里面坐底等，大约等左10分钟已经可以出去坐。因为餐厅对住维景，坐外面当然更加分。因朋友生日既关系，首先开左支house wine (wildfire cabernet sauvigon)，$248一支，价钱都算合理。首先，我地都叫左水牛城鸡翼，我心目中既必点小食，鸡翼配上芹菜，同埋一个咸芝士酱同辣酱。试食后，个人认为个咸芝士酱好有惊喜，建议爱芝士人士可以一试。之后，都分别叫左个芝士狂人pizza (4 cheese pizza)同烟熏火腿馅角薄饼。芝士狂人pizza不过不失，加入了rose mary提味，令pizza有别于一般既4 cheese pizza，但个烟熏火腿馅角薄饼就好推介。馅角薄饼中间有啲类似白汁芝士啲酱汁，而且外皮系酥皮，两者相辅相成。但提一提馅角薄饼大约都要等20分钟左右，大家要比啲耐性等。