弘 CHIRASHI (已結業)

睇过食评，见朋友亦试过，又见可以用OpenRice 订位，所以就去试下，星期日怕多人，提前12:30用餐，去到得一枱客，谂住可能太早，随意叫咗个松叶蟹同浅草海鲜丼，先讲造型，系几吸引，相机先食，睇到都觉得好食，但真系食落去又唔系咁特别，同真系有啲难度，要先夹起晒啲鱼生，先可以慢慢食饭，某程度有啲难搞，本身啲鱼生比较一般，唔好太大期望，难怪隔离枱位女士食咗一半就走人。个蟹饭就真系得个样，烧蟹盖食唔出蟹味，淡得紧要，下层啲饭同样淡口，蟹肉的醋亦未能带出蟹味，整体来说期望过高，跟风去影相还可以。另外，就系单手侍应，有位男侍应全程见佢左手插袋，唔知系咪造型，上菜、加茶、落单都系单手，除咗同女侍应玩，希望佢注意一下安全，始终饮食业都有好多热嘅嘢。