影片
更多
2018-09-15
127 浏览
经过咁啱又想食下锅贴，就成为左座上客～order左五只猪肉锅贴同鲜炸猪扒面，等左几分钟，就有得食！「鲜炸猪扒面」－猪扒猪扒超油！碟底油光闪闪嫁，不过油炸有油当然系正常既。猪扒应该系连皮，炸粉虽然好薄，外观望落炸到金黄、几靓，但入面猪扒既肉同皮系分离嫁。由于太过油同多脂肪，我唔敢食层皮同炸粉，自己整走左外层炸皮，净系食啲肉。所以系咪即炸既我就唔知啦，去完皮先食猪扒热都变左冻><去皮后猪扒瘦肉都仲痴住啲黄色皮下脂肪猪扒肉质虽然结实，但一啲都唔juicy同略鞋口，不过未至于咬唔开。同埋猪扒冇肉味。－面用左上海面既中面，本身以为中面粗啲，食落会烟韧啲，但其实唔系。可能煮面既时间耐左又或者本身面条就系相对淋身，面条冇口感，质地麻麻－汤底汤底系清汤，但明显见到有唔少油脂系汤面飘浮，唔知啲油份系边到黎我冇饮到，唔知系咪味精水。－配料汤面有椰菜、雪菜同葱作为配料。（外食可以食到菜其实都几开心）椰菜保持到爽脆，唔错雪菜同葱就正常。整体而言，鲜炸猪扒面质素偏低。不过以$36哩个价钱系尖沙咀可以食到咁大碗既面，性价比算唔错。如果单纯想填饱肚，绝对系唔差既选择；但对味道、食物质素有要求，千其唔
「鲜炸猪扒面」
－猪扒
猪扒超油！碟底油光闪闪嫁，不过油炸有油当然系正常既。
猪扒应该系连皮，炸粉虽然好薄，外观望落炸到金黄、几靓，但入面猪扒既肉同皮系分离嫁。
由于太过油同多脂肪，我唔敢食层皮同炸粉，自己整走左外层炸皮，净系食啲肉。
所以系咪即炸既我就唔知啦，去完皮先食猪扒热都变左冻><
去皮后猪扒瘦肉都仲痴住啲黄色皮下脂肪
猪扒肉质虽然结实，但一啲都唔juicy同略鞋口，不过未至于咬唔开。
同埋猪扒冇肉味。
－面
用左上海面既中面，本身以为中面粗啲，食落会烟韧啲，但其实唔系。
可能煮面既时间耐左又或者本身面条就系相对淋身，面条冇口感，质地麻麻
－汤底
汤底系清汤，但明显见到有唔少油脂系汤面飘浮，唔知啲油份系边到黎
我冇饮到，唔知系咪味精水。
－配料
汤面有椰菜、雪菜同葱作为配料。
（外食可以食到菜其实都几开心）
椰菜保持到爽脆，唔错
雪菜同葱就正常。
整体而言，鲜炸猪扒面质素偏低。
不过以$36哩个价钱系尖沙咀可以食到咁大碗既面，性价比算唔错。
如果单纯想填饱肚，绝对系唔差既选择；但对味道、食物质素有要求，千其唔好黎！
（我行入店铺果阵见到差唔多台台都有叫炸猪扒饭或者炸猪扒面以为好出色，所以平时少食炸野既我都决定一试，不过食完完全唔明点解会有咁多人叫）
锅贴
门口有一大个铁镬整定左啲锅贴，客人一落order就即刻送到。
由于一早就整好左既关系，就算系一放落黎我就即食，锅贴都只系微暖
－外皮
锅贴皮既厚度适中。唔会过厚，好似食紧面粉咁；亦未至于太薄，变相食肉丸。
－底
如果食到底系脆既锅贴，个人而言，一定加分
因为脆既底可以增加口感，令你觉得自己系食紧锅贴而唔系水饺~
而哩到既锅贴底系做到哩一点既，
冇期望下食落发觉系底系脆既都几惊喜
－馅料
下图可见，锅贴馅料得猪肉、冇加入任何蔬菜；
亦可以明显见到肥猪肉既份量都唔少，每个位置都分布左；
馅料份量啱啱好，
无咩汤汁，唔够juicy，
馅料亦无咩肉味同鲜味。
可取之处系佢调味适中，唔会太咸或太淡
整体而言，锅贴都系普通货色，平平地过下口瘾，唔算出色。
放耐左锅贴表皮会出现一粒粒油份，同样存在过油既问题
btw，加埋豆瓣酱食会好食啲嫁
锅贴
$14
22 浏览
0 赞好
0 留言
鲜炸猪扒面
$36
9 浏览
0 赞好
0 留言
张贴
