影片
更多
2023-01-30
1349 浏览
老友家住太和，知道大埔旧墟直街呢个铺位碍于疫情，近年都转过几手，最近换上呢一家「阿三大牌档」，话质素唔错，性价比高，所以，一班单车友由大埔出发，踩车到大美督，再过新娘潭，落番鹿颈，然后兜沙头角公路返粉岭，回大埔，绕咗一个大圈，大概踩咗38公哩左右，之后，当然晌度食番餐好架啦，兼当喺开年饭，希望来年事事畅顺，大家踩极都有。其实呢条街渐渐变成成条食街咁，平有平食，贵有贵食，丰俭由人。话大牌档，但装修沿用上家，似茶记多少少，当然，大牌档之名主要喺将重点放番晌店家嘅小炒之上。店内地方都几大，虽然装修无咩特别，但最紧要喺干净企理，光猛整齐，坐得舒服，唔会唔自在咁。顺带一提，晌铺面左边，僻咗一角，喺动物友善区域嚟！翻翻餐牌，小炒种类非常之多，贴晒出嚟，唔花时间讲喇。不过，温馨一提，唔喺小菜套餐，叫饭、点饮品都另外计算，但就唔收加一服务费。餐具、糖包、牙签……等等，就放晒晌枱边，自由取用。蜜饯鳝球 $168呢个喺店员嘅推介，话喺新出品，问我哋有无兴趣试，鳝球正吖，一于试试。每年白鳝都好大件，炸脆再配上啲黑醋蜜饯汁，食落去，啲鳝已好香口，又有油香，啖喺鳝肉，而个汁嘅酸味好沉实，唔呛喉，带有阵阵蜜香，大
话大牌档，但装修沿用上家，似茶记多少少，当然，大牌档之名主要喺将重点放番晌店家嘅小炒之上。店内地方都几大，虽然装修无咩特别，但最紧要喺干净企理，光猛整齐，坐得舒服，唔会唔自在咁。顺带一提，晌铺面左边，僻咗一角，喺动物友善区域嚟！
翻翻餐牌，小炒种类非常之多，贴晒出嚟，唔花时间讲喇。不过，温馨一提，唔喺小菜套餐，叫饭、点饮品都另外计算，但就唔收加一服务费。
餐具、糖包、牙签……等等，就放晒晌枱边，自由取用。
蜜饯鳝球 $168呢个喺店员嘅推介，话喺新出品，问我哋有无兴趣试，鳝球正吖，一于试试。每年白鳝都好大件，炸脆再配上啲黑醋蜜饯汁，食落去，啲鳝已好香口，又有油香，啖喺鳝肉，而个汁嘅酸味好沉实，唔呛喉，带有阵阵蜜香，大家都俾个赞呢道菜。
蜜饯鳝球
$168
114 浏览
0 赞好
0 留言
川味奇味鸡煲 $88个煲甫上枱，打开盖热气腾腾，非常吸引。鸡件煮得入味，有种川菜嘅辣劲，但点到即止，而肉质比预期更嫩滑，一啲都唔嚡，加上啲鸡大大件，叫人食得满足，啲汁用嚟捞饭就更喺绝配。
鱼香海皇豆腐煲 $108天寒地冻食煲仔菜感觉喺唔同啲，所以，追加多一客豆腐煲，热焫焫，睇见到暖心窝啦。插几棵西兰花，即相卖相都靓仔啲，海皇包括鲜虾球、鱿鱼、带子，啲虾球好爽弹，鱿鱼亦好软腍，带子够鲜甜，但就得薄薄几片，略嫌少咗啲；而豆腐好食，好嫩滑，充满豆香。
鱼香海皇豆腐煲
$108
29 浏览
0 赞好
0 留言
烧汁脆茄子 $78都要食多少少蔬菜嘢，呢个脆茄子既喺蔬菜类，又不失「脆」味。其实，喺「天妇罗」茄子，再淋上烧汁，睇落做法简单，但茄子软腍多汁，外层嘅脆浆做得又薄又脆，个烧汁校得香浓不腻，唔错。
咸鱼蓉炒白菜仔 $78最后再补多少少纤维素，所以，炒个菜，想惹味啲就拣咗咸鱼蓉炒白菜仔，啲白菜仔几嫩口，而用上咸鱼蓉就实香口惹味，不过，唔同人真喺口味会唔同，有老友话OK，有老友就话咸咗啲。
冻柠茶 $18、热奶茶 $16虽然唔包嘢饮，但老友们都叫番杯冻饮嚟解解辣，小弟都喺拣杯热奶茶，茶底唔错㖞，芳香醇厚，算得上幼滑。顺带一提，白饭就$10碗，取价都算公道。
依家真正嘅港式大牌档卖少见少，好多都已入铺，但小炒依然够镬气，喺大众饭堂。虽然呢度环境一般般，但啲店员几好招呼，又有礼貌，所食嘅菜式都好有水准，多谢老友嘅推介。
张贴
