瀛喜日本料理 (已結業)

元朗南生围真的好美, 一大班人玩了成日, 晚上都饿了交还单车后当然要去医肚才回家。做完运动特别饿, 钟意食鱼生任点很开心, 二百元一个人真抵。一上台就鱼生啦, 满满一盘有齐晒, 上得快食得快, 味道唔错以呢个价位合理。甜虾， 三文鱼，吞拿鱼，北寄贝，贝柱，希灵鱼，海胆，鲍鱼。有成十几款不系讲笑，而个海胆同鲍鱼明明点菜纸上无架，仲以为比错，问侍应先知系预早订位就会送，赚到了。顺便食熟野暖下胃, 叫了些热炒， 泡菜炒鸡柳，辣辣地而鸡柳都几多，其实有碗白饭会几好送饭。蟹皇翅是素翅不用杀生，弹牙又粗身，加左好多菇， 要形容就似系素碗仔翅，个质地口感同汤架味都极似。椒盐鸡软骨大大粒, 劲有嚼劲好爽架，炸完洒弓d 调味粉在面，唔觉就夹完又夹晒。辛辣鱿鱼须好弹牙架，辣辣地唔过火免治鸡肉棒好粗呀，可能是自家制架，同出面食到都系混入了鸡较骨混，食落口感更过瘾，而且咁粗就更满足。一品料理， 想牛油帆立贝会那么大粒，加了翠玉瓜爽口。尾声叫甜品，有雀巢雪糕杯同雪米滋，临尾仲放左杯牛奶奶冻，原来开业两年特别送的小心意。