影片
更多
2017-11-21
296 浏览
同朋友去左铜锣湾呢间叫喵星球嘅猫cafe，大家都系爱猫之人，有得同猫猫玩好开心呀！入到店入面，见到左手边有好多猫猫饰物、公仔、猫猫相，连猫脚印手工防蚊砖都有，好得意呀！右手边就系房间，猫猫都响哂入面，入房前先除鞋放入鞋柜，第一次黎店员帮我地登记资料做会员，每次黎会有记录，黎够十次就有一次免费。急不及待入去同猫猫玩，不过入房前再用消毒洁手液消毒下双手先，非常卫生，房间好干净整洁，入面有好多只猫猫呀！近房门嘅一排木櫈原来系一格格储物柜黎，客人可以放袋、物品入去就唔怕猫猫好奇乱搞，房入面嘅装修睇得出店主花左唔少心思，设置左好多猫猫格仔窝、墙架、跳台，成个猫猫游乐场咁。店员同我地讲解需要注意嘅事项，有本介绍咁多只猫猫嘅相簿，可以对照猫猫嘅样貌知道佢地嘅名同特性。好多猫猫都好friendly，任摸唔嬲，介绍下呢度嘅猫猫先，首先系饺子兄弟，韮菜饺同白菜饺，两只肥嘟嘟好得意，佢哋好钟意趴响窗边睇风景同训觉。布偶猫Leo真系好似王子，举止高贵优雅，湛蓝色眼睛亮晶晶，好吸引人。Leia小公主，毛色好靓，任摸任影，朋友帮佢按摩，佢个样几enjoy！Tiger老虎仔，个样好霸气，成日行黎行去视察环境。Gre
入到店入面，见到左手边有好多猫猫饰物、公仔、猫猫相，连猫脚印手工防蚊砖都有，好得意呀！
右手边就系房间，猫猫都响哂入面，入房前先除鞋放入鞋柜，第一次黎店员帮我地登记资料做会员，每次黎会有记录，黎够十次就有一次免费。
急不及待入去同猫猫玩，不过入房前再用消毒洁手液消毒下双手先，非常卫生，房间好干净整洁，入面有好多只猫猫呀！
近房门嘅一排木櫈原来系一格格储物柜黎，客人可以放袋、物品入去就唔怕猫猫好奇乱搞，房入面嘅装修睇得出店主花左唔少心思，设置左好多猫猫格仔窝、墙架、跳台，成个猫猫游乐场咁。店员同我地讲解需要注意嘅事项，有本介绍咁多只猫猫嘅相簿，可以对照猫猫嘅样貌知道佢地嘅名同特性。
好多猫猫都好friendly，任摸唔嬲，介绍下呢度嘅猫猫先，首先系饺子兄弟，韮菜饺同白菜饺，两只肥嘟嘟好得意，佢哋好钟意趴响窗边睇风景同训觉。
布偶猫Leo真系好似王子，举止高贵优雅，湛蓝色眼睛亮晶晶，好吸引人。
Leia小公主，毛色好靓，任摸任影，朋友帮佢按摩，佢个样几enjoy！
Tiger老虎仔，个样好霸气，成日行黎行去视察环境。
Grey灰灰已经系只七岁大嘅猫猫喇，个样好cute，好乖钟意嗲人。
Grass草草毛色好特别，一直哩响猫屋训觉，最后训醒觉出黎，原来性格都好嗲人架，最钟意lum人手。
仲有其他几只猫猫，全部都好得意可爱。
Cafe嘅饮品分别有水果茶、果汁、汽水选择，我同朋友都拣左菠萝苹果水果茶，本来以为应该系用普通茶包冲出黎，点知原来系用粒粒水果干冲架，水果味非常香浓，甜味系天然果糖，酸酸甜甜，好饮又健康，cafe仲有卖呢d水果茶，廿几蚊一盒铁盒装都好抵。
懒猫杯盖劲得意。
同猫猫玩左阵，店员问我地钟意边只猫猫，仲送左果只猫猫嘅相俾我地，相后面有印仔架，储够十个印就有一次免费喇。
呢度嘅猫猫、环境、卫生、同店员服务都好好呀，非常唔错嘅猫cafe！
张贴
