翰騰閣 (已結業)

星期日走落去「又一城」嘅「柏斯琴行」，谂住玩吓人哋啲新返嘅靓结他。点知一玩就玩咗六个钟， 仲大镬到喺佢哋度买咗两枝 Les Paul Custom ！虽然对好多人嚟讲唔算好多钱，两枝结他加埋最多只够买半架车仔；但对我嚟讲，开心得嚟都好肉赤！俾完钱就开始肚饿，当然唔敢出去食贵嘢，悭得就悭啦，于是就去咗曾经帮衬过嘅「翰滕阁」。结果系食得好开心，两个人点咗四个菜式：“凉拌海蜇” ，“竹笙上汤浸白菜仔”，“枝竹火腩炆全条海斑” ，“五大只砵酒桶蚝” 。总体味道唔错，招呼又好，价钱更系极为抵食。（离开「翰滕阁」时回头再想一想：净系条炆海斑喺出边都随时收过千，蚝都要收过百一只！于是个心就笑咗出嚟！点知另一半提醒我𠮶两枝结他要 UPS 返美国嘅收费，我就再笑唔出！）