大渣哥茶記 (已結業)

𠮶日经过曾经都几出名嘅大渣哥，咁耐都未试过，于是试一试佢嘅手艺！拣咗个靠大玻璃边嘅位置坐低好多选择，见到个打趸套餐都OK，就落咗order。最先嚟咗煎蛋同多士，跟住就好多朋友仔嚟，以为一两只点知扫极都仲有，打死咗一只又有第二只飞来，有啲仲飞咗落食物𠮶度，顿时已经冇晒食欲。可能侍应姐姐都发觉有啲唔妥，后尾先知道原来𠮶几个位置真系好多呢啲小飞虫。侍应姐姐主动帮我换位虽然换咗去另一个角落，但系仍然有几只系咁飞来飞去，最讽刺嘅就系我系叫一个打趸套餐谂住喺度打趸一两粒钟最后真系顶唔顺，速速食完然后走人⋯⋯虽然我好欣赏侍应姐姐主动帮我换位，但系都要同呢个老板讲一声（唔知仲系唔系𠮶位港姐冠军老板）。唔该卫生系餐厅之中占一个好重要嘅因素，唔该你搞搞啲卫生，如果唔系就算侍应服务几好都好难搞！食物质素普通冇乜特别，所以唔系重点需要提的地方！