唐包點 (港鐵美孚站)

营业中

休息中

天气热辣辣，有时真系唔知食乜好。所以放工行过就随便揾黎食，但系呢间真系饱肚又好味。烧卖：大大粒烧卖，真材实料，表面已经见到有原只虾肉，咬下入面仲有小虾肉粒，猪肉唔会蒸得过硬，味道比较浓。麦皮馒包：麦味香浓，包包烟靭Q弹，微甜。凤爪排骨饭：系经典的蒸饭，凤爪有点辣，排骨量适中，而且唔靭，唔多碎骨，食排骨最怕就系一啖饭有好多碎骨痴住。秘制猪软骨饭：猪软骨炆得好软，软骨好似啫喱咁，肉质又不会过老，酱汁偏甜。香滑奶茶：有传统港式奶茶嘅感觉，茶味浓，加上滑淡奶，好正。黑芝麻豆浆：芝麻味重，豆浆不会过甜，饱肚整体食物质素中上，想快速食个中式点心，但又唔想排队饮茶，这是一个好选择。