幸圓

营业中

休息中

首先想推荐嘅系【时令刺身丼】，三文鱼柔嫩细腻，北海道帆立贝鲜甜滑嫩，真鲷弹性口感，仲有其他新鲜嘅刺身，整体搭配得恰到好处，每种刺身嘅口感都好清爽，配上粒粒分明嘅白饭，令人一口接一口。接著系【自选杂锦鱼生丼】，松叶蟹嘅蟹肉鲜甜饱满，八爪鱼富有嚼劲，三文鱼籽喺口中爆开，整碗丼饭都系满满嘅鲜味，好好食。佢哋嘅【大虎虾】令人印象深刻。口感鲜甜弹牙，虾肉紧致而多汁，正！而【三杯酢广岛蚝】系用微酸嘅酱汁带出蚝嘅鲜甜，蚝肉滑顺肥美，整体风味清爽平衡。甜品推荐大家【Uji Matcha Croffle】。抹茶风味浓郁而唔苦涩，Croffle口感酥脆，内部松软，每一口都充满浓郁嘅茶香同奶香。而【Strawberry Parfait】则系草莓嘅微酸配埋奶油嘅香甜，整体口感令人意犹未尽。