鈴木珈啡館 (已結業)

日式西餐连锁餐厅入门口前已心中有数,好好食唔会轮到佢,但应该都唔会系难食啰!点知….唔系难食系恶哽！等咗十五分钟后好戏上演....跟饭餐嘅洋葱汤---唔热!暖暖地, 只系洋葱加水完全无味!果两件冻法包系硬唔系脆!煎饺子---同超市买嘅无大分别,今餐最好食嘅已经系佢！炸海鲜篮---上枱只见到一旧旧渗油面粉!呢次唔系冻系室温, 一咬落去…件三文鱼又咸又腥即刻呕番出嚟!咖喱吉烈猪排饭---仲咬到Ｄ咖喱砖好似都未溶得晒, 猪排又干又瘦劲柴皮! 焗咩蛋鸡排饭---鸡蛋又甜个汁又好似甜品咁!鸡扒肉又霉, 饭又烂溶溶! 明明个饭用个铁兜装住焗, Ｄ饭应该会干身, 但就似蒸咗好耐卖唔去果Ｄ盅头饭.Iced Mocha---比较正常的一杯饮品!OK!焗梳乎厘---食呢样嘢嘅感觉唔系应该系好似食阵风咁咩都无嘅咩？但我觉得好实在㖞!咁即系..........服务态度有好有唔好!门口带位扎马尾果个黑面人极差!入去坐低发觉张櫈唔多稳阵,一郁就发出吱吱声,问佢可唔可以换？佢净系望你一眼就行咗去!五分钟后*命令*我坐另一边!走果阵出门口见到佢仲嘘紧企喺门口睇餐牌Ｄ客,但我见同佢熟果Ｄ嚟帮衬好好笑容招呼㖞!上菜果个