申子居酒屋

营业中

休息中

今日特登同朋友黎申子食，听人讲几高质，想试好耐，终于有机会黎。一入门先探热同写资料，之后带左我地上2楼坐，环境都几舒服。 我地叫左海胆炒饭，吉列千层豚肉，葱拖罗卷同和风麻酱豆腐沙律。首先，葱拖罗卷有劲多拖罗，食落一啲都唔腥，而且有种入口即溶嘅感觉，一淡食哂好满足。😋跟手就黎左和风麻酱沙律，一眼望落劲大碟，劲多麻酱而且唔系得表层有中间都有好多，一啲都唔手软而且食落啲菜都好新鲜。值得推介。之后就系海胆炒饭，呢个真心值得试，因为以我一个唔太中意海胆嘅人食左一淡都会想食第二淡。首先个炒饭系炒得好香，令人食指大动，食落系一啲都唔腥，海胆味都唔会好浓，但整体味道就好正。最后先黎吉列千层豚肉，呢个等嘅时间比较耐，但黎到就知道好野系值得等下。芝士控嘅你一定要试下，芝士味极浓，肉质好嫩而且多汁，外层都炸得好脆。整体味道好唔错，但系内𥚃嘅肉同外层炸皮就好分离，但都非常值得推介。