影片
更多
2019-05-08
146 浏览
餐厅喺兰桂芳，一年365日都好多外国人，泰菜又系东南亚菜中比较受外国人青睐嘅菜式，所以上到去见到都有唔少外国游客。 餐厅装潢有格调，灯光微暗，我哋坐喺窗台位，有厚厚咕𠱸，背后窗外酒吧林立热火朝天，餐厅里虽然几近满座但相对宁静，可优悠咁享受丰富晚餐。送了虾片做小食。【柚子沙律$108】好多柚子果肉，仲有炸椰丝、洋葱、葱花提味。 柚子果肉爽甜新鲜，之前食过其他泰菜餐厅嘅柚子沙律，一系太酸一系太甜，呢度嘅沙律就酸甜度平衡适中，开胃之选。食泰菜点可以唔食咖哩，呢度除咗一般常见嘅红、黄、青咖哩，仲有比较少见嘅马沙文咖哩，可以配鸡肉、牛肉、猪肉、蔬菜，或者加$28配虾。 【马沙文咖哩虾$128(配虾+$28)】椰香味重，较甜而不辣，啱啲不嗜辣但钟意咖哩味道嘅人。 配料虾有六只，不过细只咗少少，仲有薯仔、花生、洋葱。【烤鱼$268】有三款汤底(冬荫公、南姜椰奶、泰式酸辣)同两种鱼(盲曹、乌头)可选择。 店员推介盲曹，肉多骨少，再配南姜椰奶汤底，杀菌、消炎抗癌。 烤鱼系用一个银光闪闪嘅烤盘上碟，好华丽。先饮南姜椰奶汤，汤料除咗一粒粒嘅南姜仲有蘑菇、香菜等等，椰香味重，微酸微辣，够晒开胃，可以悭返唔驶另
送了虾片做小食。
【柚子沙律$108】
好多柚子果肉，仲有炸椰丝、洋葱、葱花提味。 柚子果肉爽甜新鲜，之前食过其他泰菜餐厅嘅柚子沙律，一系太酸一系太甜，呢度嘅沙律就酸甜度平衡适中，开胃之选。
食泰菜点可以唔食咖哩，呢度除咗一般常见嘅红、黄、青咖哩，仲有比较少见嘅马沙文咖哩，可以配鸡肉、牛肉、猪肉、蔬菜，或者加$28配虾。 【马沙文咖哩虾$128(配虾+$28)】椰香味重，较甜而不辣，啱啲不嗜辣但钟意咖哩味道嘅人。 配料虾有六只，不过细只咗少少，仲有薯仔、花生、洋葱。
【烤鱼$268】有三款汤底(冬荫公、南姜椰奶、泰式酸辣)同两种鱼(盲曹、乌头)可选择。 店员推介盲曹，肉多骨少，再配南姜椰奶汤底，杀菌、消炎抗癌。 烤鱼系用一个银光闪闪嘅烤盘上碟，好华丽。先饮南姜椰奶汤，汤料除咗一粒粒嘅南姜仲有蘑菇、香菜等等，椰香味重，微酸微辣，够晒开胃，可以悭返唔驶另外叫个汤。 盲曹果然多鱼肉，鱼肉鲜美，煮咗一段时间肉质仍然保持嫩滑，绝对新鲜。
【南瓜布甸$67】布甸就喺个挖走咗部份南瓜肉嘅南瓜壳入面。 布甸口感软滑，连埋南瓜肉一齐食味道更丰富。
张贴
