當下 (和富道) (已結業)

呢间喺北角码头附近嘅餐厅舖面唔大，不过装修好有格调，同隔离台亦有一定距离，倾计都好舒服，见到佢个环境已经即刻入去坐低😂。·叫咗一份light meal（$238）同5 course meal（$388）（叫嘅时候完全唔知light meal原来已经好够食😂），light其实只系无咗appetizer同甜品🍮。餐汤系南瓜甘笋汤，好浓南瓜同忌廉味；沙律就系用芝麻酱捞嘅，沙律菜种类多，亦好新鲜；小食就拣咗香酥蟹肉饼，入面全部都系蟹肉丝，而且完全唔油腻，劲满足🤤。·嚟到主菜嘅部分，最令我留恋系佢地嘅美国安格斯肉眼扒（12oz）🤤，叫五成熟啱啱好，切开入面嘅肉仲系嫩红色，唔会食食下标哂血水。虽然咁样形容一块牛扒好夸张😂但佢真系皮脆肉嫩，尤其系边边位超重牛同油香味！另外佢地嘅risotto有两只巨型带子，饭嘅份量好多同超creamy😍！·成餐饭最值得赞嘅系个汤同牛扒，食完已经速速决定下次要再嚟过😂😈。