鍋 (已結業)

第一次嚟呢间餐厅食系同朋友一齐嚟，朋友本身喺深水埗食过几次，但系都系第一次嚟大角咀分店试！我哋叫咗八爪鱼五花腩芽菜锅、炸鸡、红薯芝士条，士多啤梨同朱古力沙冰～个锅好正，老板娘好贴心会帮我哋剪埋八爪鱼，仲帮我哋翻五花腩，芽菜捞埋啲酱汁都好好食！五花腩都烤得好香，八爪鱼果咬咁多好好，好新鲜！劲Q弹！！个人唔系好钟意食年糕，因为之前食过啲年糕都觉得好难食。朋友系咁叫我试吓呢度嘅年糕，一试之下先发现佢个咬劲好好，同埋中间完全唔粉！！系我少数可以接受嘅年糕之一👍👍👍个炸鸡意外嘅肉汁好多，外皮酥脆，配住炸鸡酱真系一流～好juicy，红薯芝士条个味道都好好朱古力同士多啤梨沙冰个味都好出，浓郁，好钟意😆食锅，食到个人有少少热，即刻可以凉返～同埋佢哋嘅泡菜好出面嘅真系好唔同，同我之前喺韩国食嘅味道好似！好新鲜好好食，一问之下先知原来老板娘系韩国人，所有酱料、锅同泡菜都系自己一手包办、调制，respect🫡🫡总括而言，系绝对一间值得再次到访嘅嘅韩式餐厅！！