影片
更多
2021-10-17
1706 浏览
之前我系「新罗宝韩国餐厅」铜锣湾店嘅常客，不过近年烧肉店开到周围都系就少咗食佢。呢日同朋友讲起想食正宗口味嘅韩烧🇰🇷，就自自然然谂起新罗宝。星期一晚上去咗尖沙咀店食，无订枱近乎冇位食咁济，全场满座，好高人气，超厉害👍。女店员们手忙脚乱，但仍能不失礼貌。餐厅一向行中高档路线，消费唔平啊，好耐无食，令人期待。先来韩式前菜，本身见餐牌上有呢个项目嘅定价，又见迟迟都未上，以为唔俾钱冇得食🙈，不过原来落单后店员就会紧随送上。款式有菠菜、芽菜、泡菜、青瓜同埋辣鱿鱼，餐厅另外仲设有自助区，有多两款前菜以供任食。烤特级牛排骨($198/2件)，呢个系我多年来必食嘅菜式，牛排骨可拣原味或经腌制，我哋要咗后者，因为惹味啲，但又唔会过重口味。🦴牛肋肉有长长两条，摊开烧再剪细，食落有牛味。烤牛脷($130/100克)，餐牌上牛脷嘅图片好多好吸引，但出到嚟就唔同，因为100克份量其实好少。👅牛脷有六片，烧完质感冇变韧，反而仲几爽口添。另外，伴旁嘅洋葱超甜啊。鸡蛋糕($68)，佢系传统韩式蒸蛋🥚，热辣辣送上。呢种蒸蛋比起中式蒸水蛋冇咁滑溜，换言之即系更有质感，而且经调味，味道浓郁啲。鲜牛肉锅自制面($285/2人
之前我系「新罗宝韩国餐厅」铜锣湾店嘅常客，不过近年烧肉店开到周围都系就少咗食佢。呢日同朋友讲起想食正宗口味嘅韩烧🇰🇷，就自自然然谂起新罗宝。
星期一晚上去咗尖沙咀店食，无订枱近乎冇位食咁济，全场满座，好高人气，超厉害👍。女店员们手忙脚乱，但仍能不失礼貌。餐厅一向行中高档路线，消费唔平啊，好耐无食，令人期待。
先来韩式前菜，本身见餐牌上有呢个项目嘅定价，又见迟迟都未上，以为唔俾钱冇得食🙈，不过原来落单后店员就会紧随送上。款式有菠菜、芽菜、泡菜、青瓜同埋辣鱿鱼，餐厅另外仲设有自助区，有多两款前菜以供任食。
烤特级牛排骨($198/2件)，呢个系我多年来必食嘅菜式，牛排骨可拣原味或经腌制，我哋要咗后者，因为惹味啲，但又唔会过重口味。🦴牛肋肉有长长两条，摊开烧再剪细，食落有牛味。
烤牛脷($130/100克)，餐牌上牛脷嘅图片好多好吸引，但出到嚟就唔同，因为100克份量其实好少。👅牛脷有六片，烧完质感冇变韧，反而仲几爽口添。另外，伴旁嘅洋葱超甜啊。
鸡蛋糕($68)，佢系传统韩式蒸蛋🥚，热辣辣送上。呢种蒸蛋比起中式蒸水蛋冇咁滑溜，换言之即系更有质感，而且经调味，味道浓郁啲。
鲜牛肉锅自制面($285/2人份)，我哋一直心谂点解个面咁耐都未上，原来系因为要等我哋食埋烧肉先上得。牛肉锅同打边炉冇乜分别🍲，因为都系将面同牛肉渌落去，再配以大量葱菜菇。佢额外会奉上一式四款嘅调味宝盒俾你自行调味。
汤底本身比较清，主要系靠烚啲牛肉烚出个味来🐮，当佢变身成为牛肉汤之后，成件事即刻唔同咗。自制面类似手工拉面，相信系自家制作，并非入货。面质偏粗，不宜渌太耐🍜，惊变淋。食埋呢个锅之后真系饱晒，因为系二人份啊。
总括嚟讲，新罗宝喺香港历史悠久，好奇之下睇介绍更发现佢登陆接近三十年😳，难怪咁多人认识佢同帮衬。餐厅菜式选择繁多，无论烧烤、锅物、饭面定小食等一应俱全，总有一款啱食！
张贴
