廚十三老壇酸菜魚 (太子集團中心) (已結業)

终于唔洗北上都可以喺香港食到好味嘅酸菜鱼嘞~之前见饮食专栏介绍呢间厨十三老坛酸菜鱼系由深圳太二酸菜鱼班底开设，食过之后果然名不虚传，好有太二的风格同口味。我地2个人叫咗3人份量，超大碟嘅酸菜鱼，排场气势就好似喺深圳食嘅咁，2个人食，份量刚刚好，酸菜鱼嘅辣度够晒辣，除咗有又大片、又厚、又滑嘅新鲜鲈鱼片，仲有好多酸菜、莲藕片、豆腐。另外叫咗碟夫妻肺片，有牛展、金钱肚、牛舌，辣度比酸菜鱼更辣，牛展份量都好多，好入味，但就嫌牛展太硬，我就较钟意金钱肚，弹牙入味。餐厅以卡位为主，亦有做好防疫隔板，座位仲有USB充电位，最啱边食边打卡用到电话冇电嘅客人，好贴心嘅设备。见到餐牌有午市酸菜鱼2人套餐，只系$168，好想下次早D再去食。