雲壽司 (已結業)

估唔到依家可以喺太子食到性价比咁高嘅高质寿司店——云寿司。之前已经试过喺中环分店食厨师发板，今次嚟到新开嘅太子分店，餐厅格局依然有高档日本寿司店嘅风味，至于价钱都仲维持到亲民贴地嘅价位，认真难得！【寿司拼盘】油甘鱼｜三文鱼｜甜虾｜真鲷｜帆立贝｜三文鱼籽｜池鱼｜吞拿鱼腩｜北寄贝｜辣味三文鱼总共有十件寿司，售价$180 ，变相平均$18一旧——咁嘅价钱咁嘅质素，真系可以话性价比惊人。先唔好讲啲刺身真系非常新鲜，斋睇寿司嘅份量，譬如𠮶件吞拿鱼腩，成件鱼生彻底遮盖晒啲饭，咁嘅份量真系唔系随便一间廉价寿司店可以做到嘅程度。简而言之，今次试完太子新开嘅新分店，云寿司喺我心目中依然系喺香港想食有咁上下质素嘅寿司店之中嘅首选。