影片
更多
2023-08-05
1906 浏览
旺角呢间家嫂真系可一不可在😒😒入座时带咗位4岁小朋友嚟，通常餐厅都会收半价😉虽独家嫂话要收全价(即系$430)哗！小朋友㖞大佬食水会否太深🤨🤨佢食得你几多嘢！咁我问下个待应啦，个男待应语气劲寸咁回答：我唔知㖞公司政策系咁无计㖞！一入座已经完全感受到家嫂𠮶种唔忧做、唔造作嘅服务态度，好窝心❤️头盘刺身尚算新鲜，但我哋六个大人，佢每样先俾得𠮶三四旧，够边个食啊大佬，足以反映家嫂系选材方面好谨慎、好细心❤️绝不浪费食材🙃跟住嚟咗个鸡煲劲嘢，绝对系我呢世人食过最难食嘅鸡煲🥹🥹啲鸡仲未融雪，成阵雪味、真系唔知喺雪柜摆咗几耐😱最好笑系我哋食咗几旧雪鸡咋，个男待应就话：不如转火锅啦、唔够时间喇！我哋系迟咗少少入座啫，但佢真系好贴心💕心知个鸡煲劲难食即刻转下口味俾我哋。然后佢急急脚将啲鸡件转落只细碟度，鸡煲走煲真系大开眼界😄笑咗，转碟后无人掂过啲鸡啰😆最正常终于系个火锅(密瓜花胶汤底)汤底真头可以当汤饮😍家嫂原来帮我哋准备咗最后惊喜❤️虾、蚬、贵妃蚌、珊瑚蚌都新鲜嘅，肥牛、丸类就麻麻唔掂。个火锅刚食到尾声，侍应跟住又过嚟搞事喇，开始借啲椅话够钟埋嚟执嘢。大佬我刚食完，俾我坐吓得唔得🤨夜晚10点后面又无人入座
入座时带咗位4岁小朋友嚟，通常餐厅都会收半价😉虽独家嫂话要收全价(即系$430)哗！小朋友㖞大佬食水会否太深🤨🤨佢食得你几多嘢！咁我问下个待应啦，个男待应语气劲寸咁回答：我唔知㖞公司政策系咁无计㖞！一入座已经完全感受到家嫂𠮶种唔忧做、唔造作嘅服务态度，好窝心❤️
头盘刺身尚算新鲜，但我哋六个大人，佢每样先俾得𠮶三四旧，够边个食啊大佬，足以反映家嫂系选材方面好谨慎、好细心❤️绝不浪费食材🙃
跟住嚟咗个鸡煲劲嘢，绝对系我呢世人食过最难食嘅鸡煲🥹🥹啲鸡仲未融雪，成阵雪味、真系唔知喺雪柜摆咗几耐😱最好笑系我哋食咗几旧雪鸡咋，个男待应就话：不如转火锅啦、唔够时间喇！我哋系迟咗少少入座啫，但佢真系好贴心💕心知个鸡煲劲难食即刻转下口味俾我哋。然后佢急急脚将啲鸡件转落只细碟度，鸡煲走煲真系大开眼界😄笑咗，转碟后无人掂过啲鸡啰😆
最正常终于系个火锅(密瓜花胶汤底)汤底真头可以当汤饮😍家嫂原来帮我哋准备咗最后惊喜❤️虾、蚬、贵妃蚌、珊瑚蚌都新鲜嘅，肥牛、丸类就麻麻唔掂。个火锅刚食到尾声，侍应跟住又过嚟搞事喇，开始借啲椅话够钟埋嚟执嘢。大佬我刚食完，俾我坐吓得唔得🤨夜晚10点后面又无人入座有无咁急，搞到我起身睇住佢执嘢(仲未卖单㗎)，反映家嫂嘅员工系几咁勤力、效率奇高！😘
最后埋单7位$3000，服务嘅窝心、食物嘅质素，令我忍唔住要打晒呢篇冗长嘅食评❤️🥰所以你唔怪得人返晒大陆食嘢，因为喺香港食家嫂真系等如交智商税💰💸
46 浏览
0 赞好
0 留言
张贴
