甜聚雪花冰甜品屋

营业中

休息中

喺香港，一餐完美嘅晚餐，又点少得甜品呢！特别系成班朋友虽然食饱饱，但又意犹未尽，甜品自然系最佳嘅选择。位于太子嘅甜聚雪花冰甜品屋，除咗传统嘅甜品，亦有新潮嘅选择，好味之余又可以打卡，第二个胃即刻启动。芝麻糊加配汤圆芝麻糊好滑，完全无起沙嘅感觉。天气热，所以叫咗冻芝麻糊，虽然无咗热辣辣香喷喷嘅感觉，但口感味道仍然香浓绵滑。芝麻糊另外加咗汤圆，汤圆馅料都系芝麻味，啱啱煮好嘅汤圆烟韧烫热，加喺冻冰冰嘅芝麻糊入边有冰火双重嘅感觉。芒果椰汁西米露芒果椰汁西米露系甜品舖最稳阵嘅选择！切粒嘅芒果，非常香甜，加上椰香十足嘅西米露，非常清新。双雄呢碗系老板娘推荐嘅甜品，双雄包括芋圆同红豆。芋圆烟烟韧韧，红豆香绵，加上淡淡嘅芋头味同鲜奶，口感同味道同样兼备。杂果椰汁仙草呢碗杂果椰汁仙草成座山咁高！仙草上面铺满晒新鲜生果，全部都系消暑解渴之选。由于仙草本身冇乜味道，所以配上鲜甜嘅生果就啱啱好。