金坊泰國美食

营业中

休息中

黄埔真系有好多嘢食，今晚几想食泰国嘢，就去咗呢间虽然有好多分店，但质素冇分薄到嘅金坊开餐啦！香茅蚝仔煲呀姐我同同行友人因为好钟意食蚝仔，叫咗呢个煲。不过食落就有啲太咸，蚝仔就有10只左右，其余垫煲底嘅都系草菇。好多洋葱同香茅，所以香味十足。如果钟意重口味嘅人士就啱晒喇泰式炒椰菜苗呀姐我一定要食菜。所以叫咗个泰菜必食嘅椰菜苗。好似落咗啲虾酱炒，对我来说同样都系有啲咸，不过蔬菜新鲜，大大碟，整体来讲都系非常好味，咸度未至于入唔到口，捞饭食就OK！青咖喱海鲜炒饭青咖喱炒饭唔记得咗影相。中间夹左啲三色豆，虾同鱿鱼，少少辣好开胃。连我唔食得辣嘅人士都接受到。不得不提啲海鲜好新鲜只虾仲弹牙嘅。椰青椰青又系唔记得咗影相。大大个椰青有好多椰肉，价钱合理啦又唔可以话特别抵又唔可以话特别贵。