圓鐵板燒 (已結業)

行街行到攰會地，去到旺角Moko，又未夠鐘睇戲。入咗間food court嘅餐廳食飯。餐廳雖然係鐵板料理，但係應該係來自台灣。雖然係foodcourt，但係呢間餐廳有三大塊鐵板，比廚師煮嘢食。我哋坐低叫左幾度菜式，一個套餐， 加一個菜脯煎蛋，之後乖乖地坐低，一邊欣賞廚師煮嘢食，一邊期待有得食。第一道上碟嘅係炒油麥菜，落單之後，唔使5分鐘就有得食。火候啱啱好，炒出嚟嘅時候已經有一陣陣香味。白飯都係超級可愛之後再出嚟嘅係，菜脯煎蛋。未寫第一道菜之前，入嚟的時候，已經見到有好多客人點做。所以非常期待，當然味道都係好好之後上菜嘅係炒香菇牛肉片魷魚圈帶子，不過上碟嘅時候，我哋已經忍唔住食咗，所以有啲凌亂。最後係香煎魚柳。另外叫咗杯嘢飲，兩個人買單居然唔使200！總括來說，味道在foodcourt來說，絕對是優質。而且唔係太貴嘅價錢，可以食到鐵板燒。最後值得一讚嘅係，我哋親眼睇住鐵板燒嘅師傅，每次整完，都會好用心機花10分鐘去清潔鐵板。見到廚師咁有心機清潔廚具，所以我哋都食得好放心。