金鳳大餐廳 (新都城中心三期)

营业中

休息中

今次去金凤食饭，整体体验真系一言难尽。下午茶铁板鸳鸯扒 $76 鸳鸯扒系猪扒拼鸡扒，猪扒味度正常肉质普通，唔算太嫩，但佢块鸡扒细到，你话将只鸡斩佢18件既其中一件，我都会信。黑椒汁偏咸铁板薄西冷扒 $78 西冷扒对比大家乐黎讲算厚身，但佢好似落得太多梳打粉，无肉味，薯条比啲汁整淋晒，有啲晒。冻奶茶无乜茶味，可以唔洗嗌后话职员态度真系有待改善！二位去，见到有卡位，职员话要比四人坐，被安排坐走廊位，但转头职员就将个卡位比2人坐，what???都算啦。佢哋上完餐包同汤后，唔够三分钟后个铁板就上到。张枱原本已经窄得吓人，我真系担心职员会唔小心将两块铁板会飞过嚟，我起身让位，点知职员即刻叫我坐返落去，话我起左身无人挡住啲汁，啲汁会弹到佢哋櫈度，我当下呆左秒，职员劲恶再讲唔好整污糟佢地啲櫈。乜嘢逻辑嚟㗎？姐系佢张櫈既干净重要过啲客有无烫亲???食嘅时候，因为坐走廊位，好易比人撞到只手，又有收餐车不停经过，我要好似只暴龙手咁缩埋一旧先食到，真系冇心情食。仲要见到职员收隔离枱餐具时劲大力掉嘢，啲厨余汁弹出。结论食物味道无乜特别，价钱唔算贵，但问题系服务同环境因素，我宁愿拣第二间餐厅比我安安乐乐食餐饭。