盈東美食

营业中

休息中

拥有紧嘅野好多时都唔懂得珍惜(讲完都觉得老土) 因为工作室喺附近的关系，所以成日食呢间，特别系开夜车嘅时候，呢道就好似饭堂一样，因为佢嘅营业时间系由晚上7,8点几到凌晨3,4点，当然，亦都系因为附近冇咩食肆会开到咁夜所以先去，佢系貌似街边大排档嘅档口仔，但佢嘅食物都系好食嘅，如果唔系，不如返工司渌杯面好过啦系咪先 😀 再加上，我觉得港式炒粉面饭我先会觉得系 "日常饱肚便饭之选", 所以成日去开饭 佢好食嘅地方，系粉面饭都即炒，热辣辣够镬气，就算叫个鸡扒汤面，块鸡扒都系煎过嘅(而唔系hea叮热)! 叉烧煎蛋饭，系好基本嘅港式野野，但易煮难精，我今日都系叫呢个，不过因为我又唔记得指明系太阳蛋果款，所以佢整左类似芙蓉蛋的 ..... 好想喊，因为我太想食太阳蛋，俾返个太阳我 ...呜呜呜~ (友人叫左个西炒饭全走，都好香，不过我冇试)但如果叫佢转, 佢又会倒左呢碟, 所以我唔想做大嘥鬼! 所以想喊还想喊，都系食左佢…喂! 又真系几好食㖞衰鬼，整芙蓉蛋饭系冇汁的，所以蛋要煎得好，绝对不能干争争，你见呢碟饭，系冇卖相，但系其实佢将D蛋出边就煎得脆，里边就仲有D蛋黄捞饭，再加少少豉油，绝对唔会干争