影片
更多
2019-04-04
133 浏览
呢一晚Omakase（厨师发办）系由维师傅主理，绝对令我同朋友食住每道料理都接连咁话好食，赞不绝口。先嚟一个前菜拼盘。最右边系三文鱼冰头渍，可以依照个人喜好压落柠檬，特别开胃。再之后嘅海胆豆腐配紫苏叶、螺肉配岩盐都唔错。再来就系好得意嘅龙虾刺身，起初斋望已经令人心情愉快，圆碌碌嘅龙虾肉好似安身喺个小小保护罩里面，三重县嘅伊势龙虾，系喺一个最冻嘅地方先有，甜味比平时嘅有啲唔同。马粪海胆刺身！朋友带住想食海胆嘅心情嚟到，最后喜出望外。师傅将海胆新鲜从壳勺出嚟，鲜橙色卖相好靓，食落口一啲都唔腥，夹一瓣入口，就会轻轻喺舌头上溶化，甜鲜到不得了，甘甜美好滋味难忘。食过香甜嘅龙虾同海胆刺身后，分别有半烧带子同大刺鱼薄切。带子里面半熟质感处理得恰到好处，同时保留到好香嘅烟熏味同带子鲜味。至于大刺鱼薄切，师傅用嘅系两公斤以上嘅大刺鱼，油脂成份自然多过坊间一般用嘅一公斤类型，越嚼越香！！！食嘅时候连同上面嘅香葱同菊花瓣，蘸一蘸柚子酸汁，只酸汁调得好靓，完全冇抢走大刺鱼嘅油香味。基于好奇，问咗师傅摆盘上块叶叫咩名，原来叫南天，即使纯粹衬托，亦系视觉享受。呢道菜入眼、入口再入心，系我最钟意嘅一道菜。半烧剑鱼
19 浏览
0 赞好
0 留言
再来就系好得意嘅龙虾刺身，起初斋望已经令人心情愉快，圆碌碌嘅龙虾肉好似安身喺个小小保护罩里面，三重县嘅伊势龙虾，系喺一个最冻嘅地方先有，甜味比平时嘅有啲唔同。
16 浏览
0 赞好
0 留言
马粪海胆刺身！朋友带住想食海胆嘅心情嚟到，最后喜出望外。师傅将海胆新鲜从壳勺出嚟，鲜橙色卖相好靓，食落口一啲都唔腥，夹一瓣入口，就会轻轻喺舌头上溶化，甜鲜到不得了，甘甜美好滋味难忘。
6 浏览
0 赞好
0 留言
食过香甜嘅龙虾同海胆刺身后，分别有半烧带子同大刺鱼薄切。带子里面半熟质感处理得恰到好处，同时保留到好香嘅烟熏味同带子鲜味。至于大刺鱼薄切，师傅用嘅系两公斤以上嘅大刺鱼，油脂成份自然多过坊间一般用嘅一公斤类型，越嚼越香！！！食嘅时候连同上面嘅香葱同菊花瓣，蘸一蘸柚子酸汁，只酸汁调得好靓，完全冇抢走大刺鱼嘅油香味。基于好奇，问咗师傅摆盘上块叶叫咩名，原来叫南天，即使纯粹衬托，亦系视觉享受。呢道菜入眼、入口再入心，系我最钟意嘅一道菜。
6 浏览
0 赞好
0 留言
8 浏览
0 赞好
0 留言
半烧剑鱼，放咗酸面豉，第一次食酸面豉，味道好特别，两者好夹好香，好想再食啊！
5 浏览
0 赞好
0 留言
蓝鳍Baby吞拿，配姜花同冲绳岛嘅海葡萄，先罩住一分钟，焗一焗吸收苹果木嘅芳香。我哋静静睇住啲烟慢慢慢慢跌到一半咁上下，现出拖罗真身，师傅就帮我哋开罩。佢拣嘅系下肋位，冇正常大拖罗嘅肥嫩但系食落仍然系香滑嘅肉质，而且表皮烧过脆卜卜，双重享受。
6 浏览
0 赞好
0 留言
呢款拖罗，师傅好盏鬼，用讲故仔嘅口吻，话佢属于做开嘅七段里面嘅第二段，称为不见天，因为条鱼无论点扭点拧点郁都好，呢个部位永不见天，形容得超有画面。佢事先预告，里面有三成油脂味，七成鱼味，建议第一件用盐嚟食，第二件就佐以山葵。食落系点呢？实在有料到！油如水化开，湿软同鲜香相继充盈喺口腔内，单纯两小块足以轰炸味觉，俗语话「好酒沉瓮底」，不见天日嘅鱼腩？醉人也！
我哋再试咗七段拖罗里面嘅第七段，油脂比例同上一道一样系三七，不过就啱啱掉转，三成鱼味，七成油脂味，形成强烈对比。同样地，嚿拖罗一放入口就即好似时融解，放到入口啲油比起二段仲要再多好多，不断渗出嚟，𠮶几秒钟嘅感受，就算话系好似热恋期咁刺激诱人，都唔夸张。过后喉咙入面仲会有余香飘逸，听闻师傅自己都特别喜爱呢款拖罗，哈哈。
16 浏览
0 赞好
0 留言
蔬果拼盘，睇落简朴天然但系惊喜连连。福冈县冰菜，落咗少少青柠，咬落去嗦嗦声好清脆！而果茄就系日本好出色嘅水种植物，汁液喺齿间一爆发就入心入魂，甜郁嘅层次非常精致，果肉甜酸平衡出众，味道一直蔓延。最后系富有柿，蜜度浓郁，口感爽脆鲜明。红黄绿三件各一集成拼盘，一个优雅而清澈嘅组合，证明师傅对产物非常有信心，被挑选食材嘅本身，汹涌而出嘅清甜味足以征服食客。
试完鲜味十足嘅刺身同水果，师傅就预示接落嚟会有和牛、腌菜、寿司同汤，由淡转浓嘅上菜次序，个人就非常受落。和牛香喷喷，外层有焦香，但肉质可以再嫩少少！至于腌菜盘，个人最喜欢就系好少见嘅腌苦瓜同士多啤梨芝士，味道好特别。
10 浏览
0 赞好
0 留言
／／／／／／／／／／／／
到寿司系列，当然都系楽寿司嘅主打之一。
赤贝寿司，非常新鲜，啱啱嚟嘅时候仲识郁，完全唔韧！
7 浏览
0 赞好
0 留言
油甘鱼寿司，紫菜渍零味道再提升，入口油润肥美，有种甘香嘅后劲。
4 浏览
0 赞好
0 留言
越前蟹肉寿司，上面放咗少少柠檬皮，超级足料，啖啖极品蟹肉，爽！
冲绳金丝鱼寿司，师傅讲明系本季节嘅特产，一过咗时间金丝鱼就会向太平洋游返出去。上面加咗蜜柑胡椒，味道好夹。
5 浏览
0 赞好
0 留言
银鳕鱼寿司，上面加黑松露酱，最惊艳系银鳕鱼出色到黑松露都失色。质感超滑，口中满满嘅油滑令人唔只陶醉，而系真有醉醉哋嘅滋味。
19 浏览
0 赞好
0 留言
海胆寿司，见到小小一件寿司上面塞满晒海胆，梗系二话不说放入口，一息间就疯狂融化成鲜甜味道，绝对系大满足。
赤目鱼寿司，亦系最后一件寿司。炙烧过嘅油脂格外深邃同浓烈，越咬越香。食埋呢嚿，感觉非常满足。
8 浏览
0 赞好
0 留言
用𫚭鱼汤、和菓子、奶冻同绿茶收尾。奶冻上面有黑糖，质感幼滑；绿茶非常烫口，冲散口中甜腻感。圆场时候除咗饱足，就系立刻开始挂住呢晚食过嘅所有料理。
／／／
【后话】
食完都夜嘞，成十点几，睇到师傅开始为之后几日所需嘅食材、配菜、甚至衬托嘅菜，逐一点算同预购，靠住呢份清场时嘅忙碌同细心，就可以明白点解呢度嘅料理会咁精良同美味。而且更喜欢嘅系，师傅喺上菜前必定会精心介绍食材嘅来历同配搭，有时仲会解释返唔同配料得出嘅效果，非常专业同博学！
楽楽的～～食过翻寻味～～好想再食呢！
张贴
