影片
更多
2009-01-06
171 浏览
除夕日放早, 天气又开始冻, 所以决定试下西环闻名已久既坤记煲仔饭 见到各位食家既食评, 知道呢度订位既重要性, 所以一早打左去订位, 但老板娘都话已经full左, 不过就话笔者果段时间应该都好快有位, 可以留左名先 坐叮叮去到附近, 见到"坤记", 望左两眼, 发觉应该系新铺, 新铺要等位, 而且个老板娘连应我地多一句都懒, 既然旧铺叫做有订位, 何不去旧铺碰碰运气呢?去到旧铺, 人的确比较多, 不过好在笔者只系两位, 加上真系有打过电话黎, 所以都算快有位坐, 再见d无订位既人黎, 老板娘好直接话无订位既今日唔驶等了只系叫左枝竹羊腩煲 & 腊味滑鸡煲仔饭, 始终两个人眼阔肚窄...枝竹羊腩煲 - 话咁快已经黎到, 一路系你台面煲, 味道嘛, 羊腩切得细件入味, 羊亦都有羊味, 唔会太膻配料有马蹄, 枝竹, 系岩岩滚既时候大家要试一试啖汤, 笔者觉得唔错的见到有食家话羊腩煲细, 其实两个人食已经好够腊味滑鸡煲仔饭 - 煲仔饭等既时间比较长, 可能因为order多 & 即煲既关系笔者开头既谂法系, 等埋个煲仔饭黎一齐食羊腩 & 捞汁, 所以一直悭住食羊腩, 呢个谂法系个煲仔饭黎左之后就
见到各位食家既食评, 知道呢度订位既重要性, 所以一早打左去订位, 但老板娘都话已经full左, 不过就话笔者果段时间应该都好快有位, 可以留左名先
坐叮叮去到附近, 见到"坤记", 望左两眼, 发觉应该系新铺, 新铺要等位, 而且个老板娘连应我地多一句都懒, 既然旧铺叫做有订位, 何不去旧铺碰碰运气呢?
去到旧铺, 人的确比较多, 不过好在笔者只系两位, 加上真系有打过电话黎, 所以都算快有位坐, 再见d无订位既人黎, 老板娘好直接话无订位既今日唔驶等了
只系叫左枝竹羊腩煲 & 腊味滑鸡煲仔饭, 始终两个人眼阔肚窄...
枝竹羊腩煲 - 话咁快已经黎到, 一路系你台面煲, 味道嘛, 羊腩切得细件入味, 羊亦都有羊味, 唔会太膻
配料有马蹄, 枝竹, 系岩岩滚既时候大家要试一试啖汤, 笔者觉得唔错的
见到有食家话羊腩煲细, 其实两个人食已经好够
腊味滑鸡煲仔饭 - 煲仔饭等既时间比较长, 可能因为order多 & 即煲既关系
笔者开头既谂法系, 等埋个煲仔饭黎一齐食羊腩 & 捞汁, 所以一直悭住食羊腩, 呢个谂法系个煲仔饭黎左之后就发觉完全系错误
煲仔饭好香, 完全唔驶捞羊腩汁, 捞左反而无左煲仔饭既香味, 酱油系最好既配搭
女朋友教, 捞左之后唔驶急于翻d饭, 等个底继续烧d饭焦出黎, 所以由中间开始食
坤记煲仔饭既鸡, 应该系腌过的, 而佢既腊味亦都唔错, 饭香渗住腊味既油脂, 我未食过其他配搭既煲仔饭唔敢讲, 不过我相信腊味滑鸡应该呢度系最好之一
到饭焦时间, 真系香, 佢唔似后你出面食既煲仔饭, 系就系有饭焦, 但黐实晒系个煲度, 硬到食唔到, 佢既饭焦就食到啦, 唔知系咪因为炭炉既关系呢
最后, 因为我地坐四人台, 同台为另外一对帮衬左多年既街坊夫妇, 佢地好好人咁请左我地食一只姜葱生蚝 (唔错, 只蚝有味得黎唔会太熟), 亦介绍话佢既贵妃鸡一绝, 可能佢既煲仔饭太出名, 寻常𩠌菜反而无咁多人叫, 有机会真系要试下呢
佢地亦到同我地讲, 新铺无旧铺咁好食, 旧铺老板娘平时唔会咁好心情 (指下午笔者订位, 明明无晒都帮我留), 庆幸无去新铺之余, 亦庆幸同台有缘一齐食饭既一对好夫妇, 立刻觉得当日真系有食神呢
张贴
