i CREMERiA Café (已結業)

每次经过都忍唔住行去睇下d靓靓蛋糕，好精致。今次食个tea set，既可以食雪糕，亦有蛋糕，双重享受。叫左日式宇治抹茶轻食($115)。order完之后，会俾个牌仔你，揾位坐低等一阵，侍应就会送餐。抹茶海绵卷口质结实，唔会好似食紧空气蛋糕咁，结实得黎松软，淡淡既抹茶味，加埋中间卷住甜甜既红豆蓉馅，仲有creamy既抹茶cream，尼种cream唔腻之余，打发得够。卖相靓，味道更出色。雪糕可以拣全抹茶/全牛幼/半抹茶半牛奶，我就拣左半抹茶半牛奶雪糕，2款口味一次过食哂。奶味非常重，幼滑，好creamy，而抹茶既茶味系淡淡既系口腔徘徊，轻微既抹茶苦味，个人钟意抹茶多d。食完之后，唔会口渴。红豆配白玉丸子，红豆大大粒，而白玉丸子有2大粒圆碌碌，好治愈，口感烟韧。配埋红豆一齐食，甜度岩岩好。而蜜饯栗子入口溶化，虽然表层有蜜饯，但仲有阵阵栗子香味，冇俾蜜饯盖过。饮品系餐牌上自选，拣左热牛奶咖啡，即使食哂个set之后先饮咖啡，但都仍然暖，唔错。牛奶中和左咖啡，恰到好处。整体，果然系creamy既雪糕，用料亦讲究，除左食得好，摆盘亦都好靓。而且，唔同时期，仲会有相应既雪糕味道添。